Достықтан Алтынкөл станциясына дейін вагон тасымалдаудағы шектеулер ұзартылды
ҚХР бағытында экспорттық және импорттық тасымалдарды ұлғайту үшін ҚТЖ Алтынкөл станциясынан Достық станциясына дейін, сондай-ақ кері бағытта тиелген және бос вагондарды тасымалдауға шектеулерді ұзартты, деп хабарлайды Rail-news.kz.
Өткен жылдан бері қолданылып келе жатқан бұл шара жылжымалы құрамды тиімді пайдалануға, учаскелердің өткізу қабілетін арттыруға және Достық пен Алтынкөл шекаралық станцияларының жұмысын жақсартуға бағытталған. Ол сондай-ақ вагондар мен контейнерлердің қарсы бағытта бос жүруін болдырмайды.
Күн сайын Достық және Алтынкөл станцияларына ҚХР-ға жөнелтілетін жүк вагондары келіп түседі. Түсірілгеннен кейін оларды Қытайдан импорттық жүктерді тиеу үшін пайдалануға болады.
Наурыз айынан бастап шектеулер 2025 жылдың соңына дейін ұзартылады.