Цифрлық трансформация батыс теміржолының жұмысын жадандыра түсті

Цифрландыру
15.04.2022, 09:30
Ардақ Ерубаева

Ақтөбе облысы бойынша меншікті тілші

Ақтөбедегі «Пойыздар қозғалысын басқару» орталығының Маңғыстау бөлімшесі өнімді жұмыс істеп, табысын арттырып отыр. Диспетчерлер мұны цифрлық транформация жобасының жетістігі дейді.

Маңғыстау бөлімшесінде 2020 жылы 5498, 6 млн тонна/км жүк айналымы қамтамасыз етілген болса, 2021 жылы 6809 млн тонна/ км жүк тасымалданған. Бір жылда миллиондап артып отырған жүк айналымы – диспетчерлік орталықты бір жерден басқару мүмкіндігіне ие болғаннан кейінгі жетістіктер.

Маңғыстау өңірінің аумағы Тассай, Құрық порты қосылғаннан кейін 1340 шақырымға жетті. Атырау, Ақтөбеден бөлек Өзбекстан және Түркіменстан мемлекеттерімен шектеседі және Қазақстанның теңіз қақпасы Ақтау мен Құрық порты да түбекте.

Ақтөбедегі «Пойыздар қозғалысын басқару» орталығының Маңғыстау өңірі бойынша аға диспетчері Бауыржан Мырзабаев еңбек жолын 1997 жылы Маңғыстауда станция кезекшісі болып бастаған, Қазір осы Ақтөбедегі Пойыздар қозғалысын басқару орталығында Маңғыстау аумағындағы қозғалысты ұйымдастырып отыр. 25 жыл тәжірибесі бар үздік диспетчердің бірі.

– Қазіргі уақытта негізінен астық өнімдері тасымалданып жатыр. Ақмола, Қостанай бөлімшелерінен бізге астық жеткізіледі. Оны біз Ақтау порты арқылы Әзербайжан және Иранға тасымалдап жатырмыз. Түркіменстанға да тасымал бар. Бұдан бөлек металл және тұрмыстық бұйымдар тасымалы да аз емес, – дейді Бауыржан Мырзабаев.

Теміржолшылар алдағы уақытта құбырмен тасымалданатын мұнай өнімдерінің цистернаға көшірілуі мүмкін деген қауесет есітген.

«Маңғыстауда мұнай тасымалы теміржол арқылы ұйымдастырылса керемет жаңалық болады. Теміржол экономикасына аса үлкен серпін беріп, имиджге оң әсер етеді», – дейді ол.

Пойыздар қозғалысын басқару орталығына Маңғыстау өңірінен Бауыржан Мырзабаев бастаған 22 диспетчер Ақтөбеге 2020 жылдың қазан айында қоныс аударды. Барлық қызметкерлердің лауазымы сақталған. Отбасылық жағдайына байланысты екі адам кері қайтса, олардың орнына екі адам тағы Маңғыстаудан келіп жатыр. Жаңа жерге орналасып алған диспетчерлер әлеуметтік жағдайлары да келген уақыттан әлдеқайда жақсарғанын айтады.

«Алғашқы кезде 200 мың теңгеге жетер-жетпес айлық алдық. Қазір жаман емес. Екі жылдың ішінде жалақыны жақсы көтерді. Пойыз диспетчерлерінің алды 400 мың теңгенің үстінде жалақы алады. Жылда бес-он пайыз қосылғаннан бөлек биыл жыл басында жалақы 35 мыңға көтерілді», – дейді аға диспетчер.

Сонымен қатар, бұрын пойыз диспетчерлерінің еңбек демалысынан алынып тасталған алты күн қазір қайта қосылған. Соңғы уақыттары пойыз диспетчерлері жыл сайын 34 күн ғана демалып келсе, қазір 40 күн еңбек демалысына шығады және зиянды еңбек жағдайы үшін жалақыларына 12 пайыз ақша қосылып отыр. Диспетчерлердің әлеуметтік мәселелері де оңтайлы шешілді. Жалақыдан бөлек 2 жыл пәтер-ақысы төленеді. Алғашында 25 АЕК төленсе, кейін ол 40 АЕК- пен есептеліп, 130 мың теңгенің үстінде қаржы беріледі. Бұл көмек биылғы қараша айына дейін жалғасады.

– Жалпы орталықтандырылған басқарудың тиімді тұсы көп екеніне көз жеткіздік. Бұрын пойыздар жиі тоқтап қалатын. Бөлімшелерге бөлініп, әрқайсымыз өзімізге тартатынымыз рас. Ақтөбе өзіне болғанын қалайды, Атырау өзіне, Маңғыстау өзімізге тартамыз. Қазір ондай жоқ. Диспетчерлік орталық бір жерде болғаннан кейін бәріміздің илегеніміз бір терінің пұшпағы демекші, пойызды тоқтатпауға бәріміз мүдделіміз. Мәселен, Маңғыстаудағы Бейнеу станциясы төрт бағытқа қызмет көрсетеді. Қазір қажеттілікке сай Ақтөбенің тепловоздарын оңай алып кетеміз. Тіпті, Қарағанды, Қызылорда тепловоздары жүреді. Ең бастысы, пойыз тоқтамау керек. Негізгі мақсат та осы болатын. Қауіпсіздікті сақтай отырып, пойыз қозғалысын тоқтатпауға тырысамыз, – дейді аға диспетчер.

Айтса айтқандай, бұрын бөлімшелер арасындағы пойыздардың уақытылы алынбай, екі бөлімшенің ортасында тұрып қалатыны жиі кездессе, бүгінде мүлде жойылған. Қозғалысты қашықтан басқару мүмкіндігіне қол жеткізген диспетчерлердің жұмысы жүйеленіп, цифрлы технологияның рахатына кенеліп отыр.

Аймақтар
02.08.2025
Сән-салтанат та, марапат та қарапайым еңбек иелеріне арналды
Жаңалықтар
01.08.2025
ҚТЖ-ның үздік қызметкерлері мемлекеттік және ведомстволық наградалармен марапатталды
Аймақтар
01.08.2025
Қызылорда теміржолының шежірелі жолы мен жаңа жетістіктері
Аймақтар
01.08.2025
Ерен еңбек еленген күн
ҚТЖ келбеті
01.08.2025
Маңғыстаулық машинист Президент қолынан мемлекеттік награда алды
Жаңалықтар
01.08.2025
ҚТЖ басқарма төрағасы қызметкерлерді теміржолшылар күнімен құттықтады
Жаңалықтар
01.08.2025
Көлік саласы қызметкерлеріне мемлекеттік наградалар табыс етілді
Жаңалықтар
01.08.2025
Мемлекет басшысы көлік саласының қызметкерлерін марапаттады
Жаңалықтар
01.08.2025
ҚТЖ «HR-бренд 2025» байқауында жүлделі орынға ие болды
Аймақтар
01.08.2025
Кәсіби мерекеге тарту
Аймақтар
01.08.2025
Сын сағатта сыналғандар
ҚТЖ келбеті
01.08.2025
Темір жолдың темірдей тәртібінде шыңдалған ер
ҚТЖ келбеті
01.08.2025
Құрметке лайық Күнсұлу
Аймақтар
01.08.2025
Мамандық таңдау – маңызды қадам
ҚТЖ келбеті
01.08.2025
Теміржолшының сергектігі – жүздеген жолаушының амандығы
ҚТЖ келбеті
01.08.2025
Байланыстың бапкері
ҚТЖ келбеті
01.08.2025
Алғыс арқалаған жолсерік
Жүк тасымалы
01.08.2025
«ҚТЖ» – Еуразиялық транзиттік дәліздердің негізгі драйвері
Аймақтар
01.08.2025
Сенат депутатымен кездесу өтті
Жаңалықтар / Мұрағат
01.08.2025
Қазақстан теміржолшысы газеті, №59-60 01 тамыз 2025 жыл