Сандық технология – уақыт талабы

Ұлттық компания жүктерді өңдеу жылдамдығы мен дәлдігін арттыру, бизнес-процестерді оңтайландыру, тасымалдаудың ашықтығы мен тиімділігін көтеру үшін цифрлық технологияларды енгізу бойынша белсенді жұмыс жүргізуде.

Мәселен, 2024 жылдың мамыр айынан бастап кедендік рәсімдерді жеделдететін Tez Customs жүйесі енгізілді, сондай-ақ транзитёрлар үшін бірыңғай цифрлық терезе – Digital Trade Corridor дамуда. Транзиттік-көлік саласын дамыту үшін соңғы 15 жылда Қазақстан 35 млрд доллардан астам инвестиция салды. Алдағы бірнеше жылда жалпы сомасы 3,5 млрд доллардан асатын ірі жобаларды іске асыру жоспарлануда. 2030 жылға дейін «ҚТЖ» ҰК» АҚ инфрақұрылымды дамытуға, активтерді жаңартуға және заманауи технологияларды енгізуге шамамен 15 млрд доллар салуды жоспарлап отыр.  

Іске асырылып жатқан шаралар барлық көлік дәліздерінде тасымалдау көлемінің айтарлықтай өсуін көрсетті. Мәселен, 2024 жылдың қорытындысы бойынша транзиттік тасымалдар тарихи рекордты жаңартып, 27,4 млн тоннаны құрады, ал контейнерлік транзит 1,4 млн ЖФЭ-ге жетті.Оларды одан әрі ұлғайту үшін Ұлттық компания қалыптасқан маршруттар бойынша да, жаңа логистикалық шешімдер мен перспективалық жобаларды да ұсына отырып, қажетті жағдайлар жасауда.  

Алайда, транзиттік ағындар үшін бәсекелестіктің өсуі аясында оның одан әрі табысы кешенді тәсілге, атап айтқанда инфрақұрылымды жедел жаңғыртуға, неғұрлым икемді тарифтік саясатты құруға және тасымалдау рәсімдерін одан әрі оңтайландыруға байланысты болады. Өйткені жүйелі өзгерістер болмай Қазақстанның контейнерлеуге және жоғары кірісті жүктерге перспективаларын жоғалтып алу қаупі бар. Сондықтан цифрлық технологияларды дендеп енгізу уақыт талабы болып отыр.