Өндірісте – инновациялық жобалар
«Қазақстан теміржолшысы» газетінің тілшісі
«Қазақстан темір жолы» ұлттық компаниясы соңғы жылдарда еңбек өнімділігі мен жұмыс сапасын арттыру бағытында заманауи технологиялар мен сандық жүйелерді қарқынды енгізуде. Инновациялық жобалар өндіріс көрсеткіштеріне оң әсерін тигізіп отыр.
Мәселен, ақауларды 87 күн бұрын болжап, жөндеуді жоспарлау жылдамдығын екі есе арттыра алатын «Смарт-диагностика» жүйесі 22 000 км теміржол желісін қамтитын болса, 3 000 км магистраль бірден жеті негізгі бағыт бойынша өткізу қабілетін арттыруға бағытталған автоматтандыру жобаларымен қамтылған.
Жылына екі миллиард теңге – мұндай үнемдеу вагон паркін басқару, бос жүрісті қысқарту және активтерді пайдалану тиімділігін арттыру бойынша бірыңғай цифрлық платформаны іске қосуға мүмкіндік береді. Сонымен қатар ҚТЖ-да Wabtec-тен Kinetix инновациялық жүйесі енгізілуде, ол вагондарды қозғалыста тоқтаусыз, уақытты жоғалтпай және барынша дәлдікпен диагностикалауды қамтамасыз етеді.
Өткен жылы «Жолаушылар тасымалы» АҚ пойыздарын 13 миллионнан астам жолаушы пайдаланған, бұл – компания жұмысының тиімділігі мен сенім деңгейінің артқанының белгісі. Соңғы он жыл ішінде жолаушылар вагон паркінің 60% жаңарғаны байқалады. Ал 2030 жылға қарай вагондардың орташа жасы 10 жылға дейін қысқарады деп күтілуде.
Мемлекет басшысының сайлауалды бағдарламасы шеңберінде Магистральдық желі дирекциясы бойынша 2029 жылға дейін 11 000 км жолды жөндеу көзделген. 2023 жылдан бастап 4 448 км жол жөнделіп, бұл бағдарламада көзделген көлемнің 40%-ын құраған.
2025 жылы қолданыстағы учаскелердің 3000 шақырымында автоблоктауды жаңғырту және енгізу бойынша бір мезгілде жеті жобаны іске асыру басталды. Мәселен, Қызылжар – Сексеуіл учаскесін жаңғырту шеңберінде 2025 жылғы 25 желтоқсанда Қызылжар – Жезқазған поезд-учаскесінде автоблоктау жүйесін енгізудің алғашқы іске қосу кешені және басқару жүйесін микропроцессорлық орталықтандырумен төрт жаңа бөлек пункт салу бойынша жұмыстар аяқталды. Бұл Қызылжар – Жезқазған пойыз учаскесінде өткізу қабілетін 8-ден 14 жұп жүк пойызына дейін арттыруға мүмкіндік берді. Цифрлық автоблоктау бір аралықта пойыздардың жиілігі мен санының артуымен пойыздардың қозғалысын аралық басқаруды қамтамасыз етті.