Маңғыстауда биыл 72 шақырым жол жаңартылмақ

Инфрақұрылым
04.02.2022, 13:48
Шахида Жұман

Маңғыстау облысы бойынша меншікті тілші

Былтыр Маңғыстау магистральдық желі бөлімшесіне қарасты аумақта 48,04 шақырым жолға күрделі жөндеу жүргізілген. Соңғы үлгідегі құрылыс-жөндеу жұмыстарының нәтижесінде қозғалыс қауіпсіздігі мен жылдамдыққа кері әсер ететін факторлар айтарлықтай азайған. Нәтижесінде жол сапасы жақсарып, түбек теміржолының өткізу жылдамдығы артқан.

Таратып айтсақ, Маңғыстау-Бейнеу учаскесіндегі күрделі жөндеу Бекет 12 мен Бекет 13 аралығына ұзындығы 17,46 км, Бекет 3-Үстірт станциясы аралығында 18,94 км, Бекет 7-Сай-Өтес станциясы бойынша 11,64 км жолға жасалған.

Сондай-ақ, рельстердің желінуіне байланысты Бейнеу жол дистанциясы бойынша Сай-Өтес-Бекет 9, Бейнеу станциясының жүк жөнелту жолдарында 2,466 км, Маңғыстау жол дистанциясы бойынша Бекет 9, Шетпе, Маңғыстау, Қарақия станциясының жүк жөнелту жолдарындағы 6,67 км ескі рельстер Р65 типті ауыр рельске ауыстырылған. Мұндай жұмыстар жылдың соңғы айларында да жалғасқан. Желтоқсан айында Ақжігіт, Бекет 5, Бекет 9, Шетпе, Манғыстау станцияларының бас жолдарында 9 дана ескі ағаш шпалды бағыттама бұрмасының орнына темірбетон шпалды бағыттама бұрмасы қойылған.

Атап өтерлігі, бөлімше аумағында өткен жылы қозғалыс қауіпсіздігін бұзу дерегі тіркелмеген. Өндірістік жарақат алу жағдайлары да болмаған. МДК жол өлшегіш вагонының тексеріс қорытындысы бойынша жол күтімі 41 бірлікке орындалған. Бұл жоспарға қарағанда орындалу көрсеткішінің 137 пайызға жеткенін айғақтайды.

– Биыл 72 шақырым теміржол күрделі жөндеуден өтетін болады. Олар – Маңғыстау-Бейнеу телімінде Бекет 5-Үстірт, Бекет 14-Бекет 15, Бекет 16-Маңғыстау станциясы аралықтарындағы жолдар. Оған қоса Бейнеу-Тассай учаскесінде Парк Б-Алтай-Теректі-Сам арасында 36,5 шақырым түйіспелі рельстер ауыстырылып, орнына жаңа түйіспесіз рельстер салынады. Жоспарымыз ойдағыдай жүзеге асқаннан кейін түбек теміржолы тағы да жаңара түспек, – дейді бұл жөнінде Маңғыстау магистральдық желі бөлімшесінің жол бөлімі басшысы Марлен Көктеубаев.

Маманның айтуынша, түбек теміржолында малдан келген қауіп сейілмей тұр. Өткен жылы 97 мал пойызға басылған. Былтыр 125 шақырым жол бойына жаңадан малға қарсы қоршау тұрғызған. Тағы 25 шақырым қоршау жөндеуден өткізілген. Өткелдердегі қауіпсіздікке қатысты 3300 автокөлік жүргізушісіне теміржол өткелінен өту ережесі таныстырылған.

Инфрақұрылым
03.09.2025
Транзиттік әлеуетті дамыту – басымдықта
Әлемде
03.09.2025
Зәңгезүр дәлізі Түркия арқылы жалғасады
Жаңалықтар
03.09.2025
«Таза Қазақстан» акциясы аясында жәрмеңке өтті
Жүк тасымалы / Инфографика
03.09.2025
Қазақстан–Қытай теміржол тасымалы 23,2 млн тоннаға жетті
Инфрақұрылым
03.09.2025
Вокзал – тарихи нысан
Жолаушылар тасымалы
03.09.2025
«Пойыз+Пойыз» қызметі арқылы 20 мыңнан астам билет рәсімделді
Жаңалықтар
02.09.2025
Бейжіңде Қазақстан мен Қытай логистика мен өндірістік тізбектерді дамыту жолдарын талқылады
ҚТЖ келбеті
02.09.2025
Салауатты өмірді серік еткен отбасы
Аймақтар
02.09.2025
Жидебай жеріне саяхат
Жаңалықтар
02.09.2025
Тоқаев: «Қазақстан арқылы өтетін «Қытай – Еуропа» транзит дәлізінің жүк өткізу мүмкіндігі 5 есе артады»
Жаңалықтар
02.09.2025
ҚТЖ Қытайға өсімдік майын тасымалдаудың жаңа форматын іске қосты
Жаңалықтар
01.09.2025
«ҚТЖ» мен «Қытай темір жолдары» тасымал және инфрақұрылым жайын талқылады
Жүк тасымалы
01.09.2025
ШЫҰ саммитінде Тоқаев «ТрансАлтай диалогына» қолдау білдірді
Жаңалықтар
01.09.2025
«Мектепке жол»: ҚТЖ-да теміржолшылар отбасыларын құттықтады
Жаңалықтар
31.08.2025
ҚТЖ мен Қытай компаниясы «Бақты – Аягөз» теміржолын талқылады
Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді