Жол жөндеу бойынша жаңа әдістерді енгізген білікті маман

Инфрақұрылым
19.08.2022, 11:05
Суретті түсірген автор
Қосұйым Мұқашев

Атырау облысы бойынша меншікті тілші

  Еңбек майданына жол монтері болып кірген Амангелді, міне, отыз жыл осы саланың барлық ыстық-суығын бастан кешіп келеді. Теміржол – талайды шыңдаған сала. Оның темірдей тәртібіне бойұсынып, қиындығына шыдай білгендер қарапайым жұмысшыдан сатылай өсіп, басшылық лауазымға көтерілуі – сол адал еңбектің өтеуі.

 1993 жылы Алматы темір жол көлігі инженерлері институтын темір жол құрылысы, жол және жол шаруашылығы мамандығы бойынша бітіріп, Ганюшкино жол дистанциясына жұмысқа келген Амангелді Рахмеденов ол кезде 23 жастағы жас жігіт еді. Жұмысты ең төменгі сатыдан бастап, алдымен жол монтері болып істеді, сосын екі жыл жол шебері, аға жол шебері, учаске бастығы болып еңбегі мен тәжірибесіне орай сатылай көтерілді.  

Жол шаруашылығының ішкі «кухнясын» толықтай меңгеріп, жүздеген шақырымға созылған темір жолдардың сапасын сақтау, станция аралығын және станцияның ішкі жолдарын күтіп-баптаудың барлық тәсілдерін меңгергенше он шақты жыл өтті.  

 – Ол кезде көп жұмыстар қол мен жасалады, қазіргідей автобұғаттау, электрлендірілген орталық дегендер әлі енгізіле қоймаған. Көп жерлерде ескі рельстер, олардың бір-біріне түйіскен жерлерін уақытында балқытып, теңестіріп отырмаса, пойыздардың жүрісіне де, дүмпу әсерінен жол құрылысына да кері әсерін тигізеді. Күрделі не орташа жөндеуді қажет ететін жол телімдері көп болды, жол жөндеу құрал-жабдықтарының жетіспей жататын кездері де аз емес. Міне, осындай жағдайларды бастан өткізе жүріп жұмыс істедік, – дейді Амангелді Мәдениетұлы.    2002 жылы Ганюшкино жол дистанциясының бас инженері болып тағайындалған тәжірибелі маман, арада тағы жеті жыл өткен соң, 2009-2014 жылдар аралығында дистанция директоры болып бір кездері еңбек жолын бастаған ұжымды басқарды.  

Бұл кезде жол жөндеу бойынша машиналар кешені пайдаланылып, технологиялық процесс жетілдіріле бастаған кез. Жол шаруашылығына канадалық Oliver Wyman әдісі енгізіле бастаған тұс. Амангелді Рахмеденов жолшылар   ұжымының басшысы ретінде осы әдістің өндіріске енгізілуіне өз үлесін қосты. Бұл әдістің артықшылығы адам ресурстарына мейлінше аз салмақ түсіріп, басымдылықты техникамен сапалы жұмыс жасауға бөлу болды. Ауыр жүктерді көтеріп түсіруге арналған КЖ-562 маркалы кран өндіріске қосылды. Франциялық «Жейсмар» фирмасының қол еңбегін жеңілдететін механикаландырылған рельстескіш, рельскескіш құралдары пайда болды. Жол жөндеушілер үшін таптырмас жабдық. Австриялық техникалар, ДУОМАТ, ДГС, ПБР машиналарымен жүздеген шақырым жол жөнделді. Бөлімше бойынша негізгі бағыттардың бәрінде рельстер жаңаланды. Пойыздар қозғалысы әлдеқайда қауіпсіз де сенімді бола түсті.  

2014-2019 жылдары жол ревизоры болып, бөлімшеге қарасты теміржолдың қауіпсіздігі мен күтіміне жауапты болған Амангелді Мәдениетұлы 2020 жылы Атырау магистральдық желі бөлімшесінің бас инженері болып тағайындалып, күні бүгінге дейін жемісті қызметін жалғастырып келеді. Биылғы Көлік қызметкерлері күніне орай саланың мәртебелі марапатына ие болып, «Құрметті теміржолшы» атанды.  

 

Инфрақұрылым
28.02.2025
Жамбыл бөлімшесі бес жылда 240 мыңнан астам темірбетон шпал төседі
Жаңалықтар
28.02.2025
Ақтөбе бөлімшесінің станциялық жолдарынан 70 мың текше метрден астам қар шығарылды
Жаңалықтар
28.02.2025
Кәсіптік білім сапасын көтеру сөз болды
Жаңалықтар
28.02.2025
Астана қаласында кәсіподақтың Орталық кеңесінің отырысы өтті
Қауіпсіздік
28.02.2025
Қоймадан өрт шықты...
Аймақтар
28.02.2025
Сенімгерлік басқару сапалы қызмет кепілі ме?
Жаңалықтар / Мұрағат
28.02.2025
Қазақстан теміржолшысы газеті, №15 28 ақпан 2025 жыл
Инфрақұрылым
27.02.2025
Ақмола облысында 60 шақырымнан астам темір жолы күрделі жөндеуден өтеді
Әлеумет
27.02.2025
Әлеуметтік төлемдер тәртібі түсіндірілді
Аймақтар
27.02.2025
Теміржолшы мамандарын дайындайтын екі оқу орны меморандум жасасты
ҚТЖ келбеті
27.02.2025
Жолдың жайын жолшы білер
Қауіпсіздік
27.02.2025
Қызылордада қауіпсіздік курсы өтіп жатыр
Жаңалықтар
26.02.2025
Қазақстан мен Қытай бірлесіп Транскаспий халықаралық көлік бағыты бойынша тасымалдау көлемін ұлғайтады
Цифрландыру
26.02.2025
Huawei Трансқазақстандық теміржол дәлізінде LTE-R желісін іске қосады
Жаңалықтар
26.02.2025
ҚТЖ 1520 мм жолтабан кеңістіктегі алғашқы гибридті маневрлік локомотивтерді алады
Жолаушылар тасымалы
26.02.2025
Наурыз мерекелеріне орай қосымша пойыздар жолға шығады
Жаңалықтар
25.02.2025
Қазақстан мен Қытай теміржолшылары жүк тасымалының өсуін талқылады
Жаңалықтар
25.02.2025
ҚТЖ мен Қытайдың ірі құрылыс компаниясы ынтымақтастықты кеңейтуде
Инфрақұрылым
25.02.2025
Маңғыстауда биыл 125 шақырым темір жол жөнделеді
Спорт
25.02.2025
«Самұрық-Қазына» АҚ қызметкерлері арасында алғаш қысқы Спартакиада өтті