«Самұрық-Қазына» қоры Қытай мен Өзбекстанға жаңа темір жол желілерін салады
Аягөз станциясынан (Абай ауданы) Қытаймен шекаралас Бақты пунктіне дейін жаңа темір жолы салынады. Бұл Қазақстан мен Қытай арасында үшінші темір жол өткелін құруға мүмкіндік береді, деп хабарлайды Rail-news.kz.
Қазақстанның оңтүстігіндегі Дарбаза станциясынан Түркістан облысы Мақтаарал ауданындағы Өзбекстанмен шекараға дейін жаңа темір жол салынады. Бұл Ташкентті айналып өтетін жүктерді жеткізуге және Сарыағаш станциясы маңындағы қолданыстағы темір жол өткелінің жүктемесін түсіруге мүмкіндік береді.
Алматы темір жол торабын 40 пайызға жеңілдетіп, жүк тасымалдауды жеделдету үшін Алматының айналасында жаңа айналма жол салынады.
Бұл жобалардың барлығы еуразиялық көлік-логистикалық хаб ретінде Қазақстанның транзиттік әлеуетін арттырады. Достық – Мойынты теміржол желісін кеңейту Қордың басым жобаларының бірінші пакетіне кірді. Екінші жолдардың құрылысы осы айда басталды.