«ҚТЖ» ҰК» АҚ желісінде жол жөндеу басталды
2023 жылғы 1 наурызда «ҚТЖ» ҰК» АҚ желісінде жол жөндеу бойынша алғашқы технологиялық «толаскез» ұйымдастырылды, деп хабарлайды Rail-news.kz.
12 сағаттық «толаскез» магистральдық желінің Жамбыл бөлімшесі Қаратау-Жаңатас учаскесінде жолды орташа жөндеуді күшейту үшін берілді.
Сонымен қатар, қолайлы ауа-райының басталуымен австриялық RM-80 машиналар кешенін қолдана отырып, магистральдық желінің Шымкент бөлімшесінде ластанған балласты терең тазарту жұмыстары ертерек басталған болатын. Өткен жылы 2 бірлік техника толық жаңғыртудан өтті.
Осы жылы «ҚТЖ» ҰК» АҚ желісінде 930 шақырымнан астам жол жөнделеді, оның 567,4 шақырымы күрделі жөндеуден өтеді. Бұдан басқа, 90,5 км жол күшейтілген орташа жөндеу, ал 109,95 км рельстік тіректерді жаппай ауыстыру жүзеге асырылады. Бағыттамалық бұрмалардың 634 жиынтығын жаңа темірбетон арқалығына ауыстыру көзделген.
Инфрақұрылымды жаңарту бойынша жұмыстарды жоспарлы жүргізу теміржол тасымалының қауіпсіздігін қамтамасыз етуге бағытталған.