Құлсары жолы жаңарып жатыр

Қозғалыс қауіпсіздігін сақтау, станциялардың өткізу қабілетін, пойыздар жүрісінің жылдамдығын арттыру үшін жол сапасы жақсы болуы шарт. Соған сәйкес Атырау өңірінде әлі де болса жаңартатын жолдар күрделі жөндеуден өтетін болып бекітіліп, қазіргі уақытта оның біраз бөлігі салынып бітті.  

«Соның ішінде Құлсары жол дистанциясы бойынша 8 тамызда басталған күрделі жөндеу жұмыстары жалғасып жатыр. Қазір дистанция бойынша 10,4 шақырым жол салынып бітті. Яғни былтырғы Қоркөл-Рзд-464 аралығында белгіленген 31,5 шақырым жолдар әрі қарай жалғасып салынуда. Аталған участокте бұрынғы ағаш шпалдар түгел алынды. Жердің негіздемесі төселіп, шебін төсеу, жерді нығыздау, басқа да технологиялық талаптарға сай жұмыстар жасалды», - дейді Құлсары жол дистанциясының өндірістік-техникалық бөлім маманы Кәмшат Жапалова.  

Ия, аймақта жолды күрделі жөндеу жұмыстары әлі де жалғасып жатыр. Биыл өңірде 66,7 шақырым жол күрделі жөндеу жасауға жоспарланған еді. Соның ішінде Құлсары жол дистанциясы бойынша 26,321 шақырым.  Соған сәйкес қазіргі таңда ол жұмыстардың 10, 4 шақырымы жүргізілді, қалған 12 шақырымдай жолды салу жалғасып жатыр.  

Жұмыстар рзд.465-Майкөмген-рзд.467-468 аралығында 6 сағаттық «толаскез» алынып, Құлсары-Бейнеу учаскесінде жүргізілуде. Атап айтқанда, рзд465-Майкөмген аралығында 18,20 шақырым жолды күрделі жөндеу керек болса, сол учаскедегі 1170-1189 шақырымның 2,400 м салынды.  

Бұл жолдарды «Интегра» компаниясы салуда.  Сол секілді ст.Майкөмген-рзд467 арлығындағы 1189-1197, яғни 8 шақырым жол «Ағадыр» мердігер компаниясымен салынды. Сонда дистанция бойынша бүгінге жоспарланған жолдың 10,4 шақырымы түгелдей салынып бітті.  

Сондай-ақ, биыл 8 шақырым жолда ескі Р-50 рельстерін жаңа Р-65-ке ауыстыру көзделіп, қазіргі уақытта Құлсары станциясы, Рзд-Қоркөл-461-463-464 бекеттерінде оның басым бөлігі орындалды.  

Сонымен қатар, Құлсары станциясында 10 жиынтық темірбетон бағыттамалы бұрмаларды ауыстыру жұмыстары да жүргізіліп, 5 ескі бұрма жаңа Р-65-ке ауыстырылған. Жалпы, жыл басынан бері станция жолдары мен бағыттамалы бұрмалардың жағдайын жақсарту және нығайту бойынша 21,85 шақырым жұмыс жасалған. Бағыттамалы бұрмалардың желінуін азайту мақсатында 10 бұрмаға протекторлар орнатылған. «Бұл қозғалыс қауіпсіздігін жақсартуға мүмкіндік береді» дейді мамандар.