Солтүстік Қазақстан облысында үш вокзал қайта жаңартылуда
Солтүстік Қазақстан облысында Жаңаесіл, Саумалкөл және Тайынша станцияларында теміржол вокзалдарын қайта жаңарту жалғасуда. Жұмыстар жолаушылар инфрақұрылымын жаңартуға және қызмет көрсету сапасын арттыруға бағытталған, деп хабарлайды Rail-news.kz.
Жоба ғимараттарды кешенді жаңғыртуды, ішкі үй-жайлар мен инженерлік желілерді жаңартуды, сондай-ақ жолаушылар ағынын ескере отырып, күту залдарын қайта жоспарлауды көздейді. Жолаушылар үшін қолайлы жағдай жасауға, сондай-ақ өрт, терроризмге қарсы және санитарлық қауіпсіздік талаптарын сақтауға ерекше назар аударылады. Жұмыстарды облыс әкімдігі белгілеген мердігерлік ұйымдар орындайды.
Жаңаесіл станциясында ауданы 570 шаршы метр болатын вокзал ғимаратында құрылыс-монтаж жұмыстары аяқталу сатысында тұр. Саумалкөл және Тайынша станцияларында инженерлік желілерді орнату және ішкі әрлеу жұмыстарын аяқтау қолға алынған. Аумағы 442 шаршы метрді құрайтын Тайынша вокзалының дайындығы да соңғы кезеңде тұр.
Қайта құруды аяқтау жолаушылардың жайлылығы мен қауіпсіздігін арттыруға, сондай-ақ вокзал кешендерін теміржол саласының заманауи талаптарына сәйкес келтіруге мүмкіндік береді.
Жоба Қазақстан Республикасы Үкіметінің тапсырмасы шеңберінде іске асырылуда және уәкілетті мемлекеттік органдар мен Тапсырыс беруші - «Қазақстан темір жолы» ұлттық компаниясы» АҚ-ның тұрақты бақылауында.