Жол шаруашылығына көңіл бөлінуде

Инфрақұрылым
07.08.2020, 11:43
Қосұйым Мұқашев

Атырау облысы бойынша меншікті тілші

Атырау магистральдық желі бөлімшесі компания басшылығы қойған міндеттерді жүзеге асыру және бекітілген жоспарларды орындау мақсатында тиянақты жұмыстар атқарып келеді. Атап айтқанда, ағымдағы жылдың алғашқы жартыжылдығында пойыздардың қозғалыс қауіпсіздігі толық сақталып, апатты жағдай, пойыздардың аударылуы, өндірістік жарақат, қиындықтар, басқа да келеңсіз оқиғалар тіркелмеді. 

Инфрақұрылым нысандарын жаңғырту, кеңейту, технологиялық процестерді жетілдіру мақсатында жол шаруашылығы бойынша өткен жылдары 29,26 шақырым жол күрделі жөндеуден өткен.

Соның ішінде Атырау жол дистанциясына қарасты 496-Теңдік, ТаскескенҚарабатан, Атырау станциясының 3-3А жолдарына 12,90 шақырым жолға күрделі жөндеу жасалды. Ал Құлсары жол дистанциясында 16,95 шақырым жол салу керек болып, ст.Бейнеу-рзд. 460 аралығында 10391057 шақырым жол аралықтарының ескі темір жолы түгел алынып, орнына неміс технологиясымен жасалған қапсырмалы темір-бетонды шпалдар салынып бітті. Атырау-Мақат аралығында 12,3 шақырым, ҚұлсарыМақат аралығында 16,132 шақырым жол күрделі жөндеуден өтті.

Бөлімшеде ай сайын МДК, ПС сынды заманауи мобильді диагностикалық құралдармен белгіленген кестеге сай жол сапасы тексеріліп отырады. Жолдың сапасы балдық жүйемен өлшенетінін ескерсек, 2020 жылғы 6 айда жоспардағы 75 балл орнына 56 балл болып, жол күтімі «жақсы» деп бағаланып, 134 пайызға орындалған. Соның ішінде Атырау жол дистанциясы 80 балл орнына 68 балл немесе 118%; Құлсары жол дистанциясы бойынша 64 балл орнына 34 балл болып, орындалуы 188% құрап отыр.

Жолдың сапалы жөнделуі жүк және жолаушылар пойызының жылдамдығына жағымды ықпал ететіні анық. Өткен 6 айда ескі рельстерді жаңасына ауыстыру бойынша 6,8 шақырым жолдың рельсі ауыстырылған.

Сондай-ақ биылғы жылға бөлімше бойынша Кенбай-Жамансор аралығында 6,91 км күрделі жөндеу жұмыстары 4-ші тоқсанға жоспарланып отырса, 4-5 Рзд, Исатай 11 Рзд, Бақсай-16 разъезінде барлығы 5 шақырым орташа жөндеу алдағы айларға межеленіп отыр. Сонымен қатар бүгінгі күнге Атырау жол дистанциясы бойынша Сағыз-Мақат аралығында 6,8 шақырымға Жейсмар №5099 жол машинасын қолдану арқылы 2200 темірбетон шпал мен рельс плеттері төселген.

Жол бойына мал өтпес үшін қоршау салу да кезек күттірмес шаруалардың бірі. Соған сәйкес, Атырау жол дистанциясы бойынша биылға 110 шақырым қоршау салу жоспары белгіленген. Қазіргі уақытта Рзд.3-Ганюшкино және Сағыз-Мақат учаскелерінде шұңқыр қазғыш машинасымен ағаш және темірбетон қоршау қадаларының орнын қазу, тікенекті сым орнату жұмыстары жүргізіліп жатыр. Соған орай 20 адам уақытша жұмысқа тартылған. Көріп отырғанымыздай, бөлімше бойынша, әсіресе, жол шаруашылығына айрықша көңіл бөлінуде. Жалпы, тек жол шаруашылығы емес, бөлімшенің барлық құрылымдары жұмысын жүйелі жүргізіп келеді. 2019 жылдың салалық жарыс қорытындысы бойынша Атырау магистральдық желі бөлімшесі ІІ орынды, 2020 жылдың алғашқы тоқсанымен ІІІ орынды иеленді. Сондай-ақ Атырау электрмен жабдықтау дистанциясы да биылғы жылдың бірінші тоқсанында салалық жарыста ІІІ орыннан көрініп отыр.   

Жаңалықтар
04.04.2025
ҚТЖ және Цзиньхуа Көлік-инвестициялық тобы логистикалық кешен салу туралы келісті
Жаңалықтар
04.04.2025
"KTZ Express" қытайлық серіктеспен екі меморандумға қол қойды
Жаңалықтар
04.04.2025
Теміржолшылар мен полиция бірігіп 238 рейд жүргізді
Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды