Су жаңа автокөліктердің кілтін табыс етті
«Қазақстан теміржолшысы» газетінің тілшісі
Жақында «Қамқор Менеджмент» кәсіпорнының бас директоры Диас Сүлейменов «Теміржол жөндеу» ЖШС өндірістік филиалдарының өкілдеріне су жаңа автокөліктердің кілтін табыс етті. Темір жолдарға күрделі жөндеу жүргізу үшін сатып алынған жол талғамайтын танымал «ГАЗ» маркасының жаңа буын автокөліктері жолаушылар сыйымдылығымен қатар жоғары деңгейлі жайлылықта жүріп тұруымен ерекшеленеді. Бұл көліктер бұрағыш, рельсті кесу, рельсті бұрғылау машиналары, шпалды-балға және тағы басқа да жол шаруашылығына қажетті шағын механизациямен жабдықталған. Осындай артықшылыққа ие көліктер күрделі учаскелерде жолдарға күрделі жөндеу жүргізу жұмысының жағдайын жақсартып, жабдықтарды қолмен тиеп-түсіру жұмыстарын болдырмайды. Автокөліктер Астана, Ақтөбе, Бірлік жол машиналары станциялары мен Шар өндірістік учаскесіне табыс етілді. Атап өтерлігі, «ҚТЖ» ҰК» АҚ қажеттіліктерін барынша қанағаттандыру және темір жол магистральдарында сапа, сенімділік және қауіпсіздікті қамтамасыз ету мақсатында «Қамқор Менеджмент» компаниялар тобы тұрақты түрде техникалық жарақтандыруды арттыру, жаңа технологияларды игеру, сондай-ақ, құрылыс және жөндеу техникаларын жаңартуға қо- мақты қаржы бөліп келеді.