Биыл 582 шақырым темір жолды күрделі жөндеуден өткізу жоспарланған

Инфрақұрылым
21.09.2021, 11:43
Сұлугүл Бакесова

«Қазақстан теміржолшысы» газетінің тілшісі

«Қазақстан темір жолы» ұлттық компаниясының басымдық беріп отырған бағыттарының бірі – теміржол инфрақұрылымын дамыту. Биыл жоспар бойынша Қазақстан темір жолы бойынша 582 км жолды күрделі жөндеуден өткізу межеленген, деп хабарлайды Rail-news.kz. Қазіргі таңда жоспардың 70% астамы орындалған. Күздің жаймашуақ мезгілін пайдаланып жолшылар алдағы айда да жұмыс көрігін қыздырып, жоспарлы межеге жетеді деген сенім бар. Күрделі жөндеу қара күзге дейін жалғасатынын ескерсек, материал жеткілікті болса, қалған отыз пайызды орындауға ештеңе кедергі емес. Жолға жөндеудің күрделі түрін жасауға тәжірибелі кәсіпорындар «Теміржол жөндеу» мен «Integra Construction KZ» ЖШС-лары және Ұлттық компанияның филиалы Ағадыр ПЧМ жұмылдырылып отыр. Жұмыстар үстіміздегі жылдың сәуір айында оңтүстік өңірде басталған еді. Жолдарға күрделі жөндеу арнайы әзірленген жобалық-сметалық құжаттамаға сәйкес екі тәсілмен жүргізілуде. Оның бірі SMD-80 техникасының көмегімен балласты тазалай және үстінен толықтыра отырып, шпалдарды ауыстыру, сонымен қатар RM-80, ХДВ, ЭЛБ, ВПО-3000, Duomatic, DGS, PBR машиналарының кешенін қолдана отырып, рельстерді түйіспесіз рельс иіндеріне ауыстыру болса, екінші тәсіл, жаңағы ауыр машиналар кешені мен УК25/9-18 кранын пайдалана отырып, рельстерді, шпалдар мен балластарды тұтастай алмастыру болып отыр. Жүрістің бір қалыпты болуын қамтамасыз ету үшін ПРСМ рельс дәнекерлеу машинасын қолдана отырып, учаске блогына дейінгі түйіспесіз рельс иіндеріне дәнекерлеу жұмыстары жүргізілуде.

«Жұмыстар штаттық режимде, кідіріссіз өтуде. Коронавирустық инфекцияның таралуына қарсы қабылданған шаралар аясында барлық қауіпсіздік ережелері сақталып отыр. Бүгінде жөндеу жұмыстары жоспарға сай атқарылуда», – деп ақпаратпен бөлісті Жол және құрылыстар департаментінің өкілі Ильвир Нагаев.

Осы ретте, ел теміржолдарын жаңғырту жолаушылар және жүк пойыздарының қозғалыс қауіпсіздігін арттырумен қатар қозғалыс жылдамдығын ұлғайтуға бағытталып отырғанын атар едік.

Жаңалықтар
28.09.2025
ҚТЖ басшылығы Астана-1 вокзалының жөндеу жұмысымен танысты
Жаңалықтар
27.09.2025
Құрметті теміржолшы «Құрмет» орденімен марапатталды
Жаңалықтар
27.09.2025
ТХКБ-ны бірлесе дамыту жайы талқыланды
Жаңалықтар
27.09.2025
ҚТЖ-да «HR – өндіріс серпіні» стратегиялық HR-сессиясы өтті
Жаңалықтар
27.09.2025
Темір жолдар мен тағдырлар: Алматыда «Жолдар» телехикаясының түсірілімі басталды
Жаңалықтар
26.09.2025
Еліміздің теміржол көлігі жаңа деңгейге көтерілуде: ҚТЖ және Wabtec ауқымды әріптестікті іске қосты
Цифрландыру
26.09.2025
Бейнебақылау камерасына баға берсек...
Инфрақұрылым
26.09.2025
Астанада өткен форумда ұлттық жобалар сөз болды
Аймақтар
26.09.2025
Арыс-2 вокзалы қайта салынуда
Цифрландыру
26.09.2025
Цифрландырудан – жасанды интеллектке дейін
Аймақтар
26.09.2025
Шиелі вокзалы тарихи келбетін сақтай отырып жаңғыртылуда
Жаңалықтар
26.09.2025
100-ден астам студен ҚТЖ-ның орталық музейінде болды
ҚТЖ келбеті
26.09.2025
Парк кезекшісінің ерлігі
Қауіпсіздік
26.09.2025
Алғашқы көмек – маңызды
ҚТЖ келбеті
26.09.2025
Ұтқыр шешімге негіз болған ұсыныс
Аймақтар
26.09.2025
Арнайы жасақтың ауқымы кең
Аймақтар
26.09.2025
Марапат иесін тапты
Жаңалықтар / Мұрағат
26.09.2025
Қазақстан теміржолшысы газеті, №78-79 26 қыркүйек 2025 жыл
Қауіпсіздік
25.09.2025
Қауіпсіздік – ревизордың көзімен
Аймақтар
25.09.2025
Абай әлеміне саяхат