Жүктерді тасымалдау жөніндегі негізгі халықаралық келісім ережелерін жетілдіру бойынша ұсыныстар талқыланды
Астана қаласында Халықаралық теміржол жүк тасымалдауы туралы келісімді (ХТЖТК) жетілдіру мәселелерінде көлік құқығы бойынша Темір жолдар ынтымақтастығы ұйымы (ТЖЫҰ) комиссиясы сарапшыларының кеңесі аяқталды. Іс-шараға Әзербайжан, Беларусь, Венгрия, Грузия, Қазақстан, ҚХР, Қырғызстан, Моңғолия, Польша, Ресей және ТЖЫҰ комитетінің өкілдері қатысты.
Кеңесте Келісімге қатысушы елдердің тасымалдаушылар арасында жүкті жеткізу мерзімін бөлу, жеткізу мерзімінен асып кеткені үшін жауапкершілік пен айыппұл, сондай-ақ бірыңғай (ХТТК) жүкқұжатын қолдану, оның ішінде жолдың су учаскелерінің қатысуымен тасымалдауға қатысты ұсыныстары қаралды.
"Біздің басты міндетіміз – ТЖЫҰ-ға қатысушы елдер кеңістігінде халықаралық қатынаста жүктерді темір жол көлігімен тасымалдау жөніндегі негізгі құжатты жетілдіру. Енгізілетін өзгерістер мен толықтырулар ХТТК көлік қызметтерінің қазіргі заманғы нарығының жоғары стандарттары мен қажеттіліктеріне сәйкес келуіне, тасымалдар барынша тиімді, ыңғайлы және тасымалдау процесіне қатысушылардың барлығының күткені мен талаптарына жауап беруге бағытталған. ХТТК-ны қолдану келісімге қатысушыларға халықаралық тасымалдарды, оның ішінде Еуропа - Азия қатынасында бірыңғай стандарттар, бірыңғай жүкқұжат, бірыңғай шарттар бойынша жүзеге асыруға мүмкіндік береді. ХТТК - бұл тек тасымалдау шартына ғана емес, сонымен қатар жүктерді, оның ішінде қауіпті жүктерді тасымалдау ережелеріне, жүктерді орналастыру мен бекітудің техникалық шарттарына және т.б. қатысты ережелерді қамтитын кешенді құжат", - деп атап өтті теміржол көлігі құқығы жөніндегі ынтымақтастық ұйымы комиссиясының төрағасы Елена Олексий.
Өзгерістер мен толықтырулардың алдын ала келісілген жобасы барлық Келісім қатысушыларына қарау үшін жіберілетін болады. Осыдан кейін, егер қарсылық болмаса, өзгерістер күшіне енеді.
26 ел Халықаралық теміржол жүк тасымалдауы туралы келісім қатысушылары болып табылады. Әр ел келісімге өзінің өзгерістері мен толықтыруларын ұсынады, бұл құжатты икемді етеді.
Сарапшылар кеңесінің қорытындысы бойынша Хаттамаға қол қойылды.