Теміржол бойында есірткі сатқан азамат сотталды
Абай облысының 42 жастағы тұрғыны гашиш есірткі затын сақтағаны үшін 4 жылға бас бостандығынан айырылды. Бұл туралы Көліктегі полиция департаментінің баспасөз қызметі хабарлады.
«Осы жылдың наурыз айында Семей станциясындағы желілік полиция бөлімінің қызметкерлері жедел-іздестіру іс-шараларын жүргізу барысында теміржол бойында есірткі заттарын сақтады деген күдікпен Абай облысының 42 жастағы тұрғынын ұстады», - делінген хабарламада.
Жеке тінту кезінде ұсталған азаматтан жалпы салмағы 244 грамм гашиш есірткі заты табылып, тәркіленген.
Аталған факті бойынша көлік полицейлері сотқа дейінгі тергеу жүргізді.
Тергеу барысында оның өз үйінде жеке тұтыну үшін «марихуана» есірткі затын өсіріп, кейін оны жинап, кептіріп, ұсақтағаны анықталды.
Мамыр айында Семей қаласының № 2 соты күдіктіні 4 жылға бас бостандығынан айырды.