Алматыда қысқы кезеңде қозғалыс қауіпсіздігі шаралары талқыланды
Алматы станциясында "ҚТЖ" ҰК" АҚ Қозғалыс қауіпсіздігі департаментінің директоры Марат Шакеновтың төрағалығымен пойыздар қозғалысы қауіпсіздігін қамтамасыз ету және теміржол көлігін пайдалану мәселелері бойынша кеңейтілген тораптық кеңес өтті, деп хабарлайды Rail-news.kz.
Кеңеске "Жолаушылар тасымалы" АҚ құрылымдық кәсіпорындарының, Алматы жүк тасымалы бөлімшесі мен магистральдық желі басшылары, машинист-нұсқаушылар, локомотив бригадалары, аралас қызмет қызметкерлері, Кәсіподақ өкілдері қатысты.
Қысқы кезеңдегі шаруашылықтардың жұмысы және пойыздар қозғалысы қауіпсіздігін жақсарту бойынша қабылданып жатқан шаралар бойынша мәселелер қаралды. Қозғалыс қауіпсіздігін қамтамасыз ету, қыста апаттық жағдайлардың алдын алу үшін жүргізілген күзгі комиссиялық қарап-тексерудің қорытындысы шығарылды.
Өңір кәсіпорындарына үздіксіз тасымалдау процесін қамтамасыз ету, өндірістік қызметті және қозғалыс қауіпсіздігінің жай-күйін жақсарту міндеті қойылды. Жолаушылар шаруашылығында жолаушылар пойыздарын рейске дайындау сапасын тексеруді қатаңдату ұсынылады. Тораптық кеңес алдында кәсіпорындардың қысқы кезеңде жұмысқа дайындығы тексерілді.