Абай мұрасы насихатталды

Ұлы Абайдың 180 жылдығына орай «ҚТЖ» ҰК» АҚ Құқықтық қамтамасыз ету департаменті «Абай – ғасырлардан жеткен мұра» атты поэтикалық кеш өткізді.

Мемлекеттік тілді дамыту секторы қолдау білдірген жиынға аталған департамент директорының орынбасары Ілияс Ерназаров модераторлық етті. Кешке абайтанушы, Л.Н.Гумилев атындағы Еуразия ұлттық университеті жанындағы «Абай академиясы» ғылыми-зерттеу институтының директоры, PhD докторы, филология ғылымдарының кандидаты, доценті Әубәкір Жандос қонақ ретінде қатысып, ақын жайлы ой-толғанысымен бөлісіп, ұлы ойшылдың қара сөздерінің философиялық маңызына тоқталды.  

Ілияс Ерназаров бұл кеш арқылы ақын, ойшыл, ағартушы Абай Құнанбайұлының мол мұрасын жаңаша форматта, яғни өнер, бейне және интерактив арқылы насихаттау көзделіп отырғанын жеткізді. Кештің алғы сөзін айтқан Мемлекеттік тілді дамыту секторының басшысы Ербол Тоқтағазы Абайдың орны – тек поэзияда ғана емес, стрировали сплоченную игру. По словам председателя профсоюзного комитета ЭЧ-12 Акадыр Самгата Егинбаева основная цель қазақ мәдениетінде, ой-санасында, философиясында да ерекше екенін атап өтті.  

Одан әрі департамент қызметкерлері ақынның өлеңдерін оқып жарысты. Атап айтқанда, департамент менеджерлері Аяулы Қазыбек пен Диас Шарафадин, «ҚТЖ-Жүк тасымалы» ЖШС менеджері Әйгерім Ахметова ақынның танымал өлеңдерін жатқа оқып, көпшіліктің құрметіне ие болды.

Келесі кезекте кешке қатысушылар «Kahoot» ойынына қатысып, Абай мен оның шығармашылығы туралы білімдерін сынға салды. Интеллектуалдық ойынды дайындаған Мемлекеттік тілді дамыту секторының бас менеджері Меруерт Ақбердиева ұлы ақынның мұрасын жан жақты қамтығаны белгілі болды. Дегенмен, департамент қызметкерлері де қаражаяу емес екендерін байқатып, көп сауалдарға дұрыс жауап беріп, жұмбақтар шешімін таба білді. Жүлделі орын алғандар бағалы сыйлықтармен марапатталды.