ҚТЖ мен China COSCO Shipping стратегиялық ынтымақтастықты кеңейтуде
Шанхайда «Қазақстан темір жолы» ҰК» АҚ Басқарма Төрағасының логистика жөніндегі орынбасары Еран Қойшыбаев China COSCO Shipping Corporation Вице-президенті Лин Цзи мырзамен кездесті, деп хабарлайды Rail-news.kz.
Тараптар бірлескен жұмысты қорытындылады және көліктік-логистикалық қызметтер саласындағы ынтымақтастықты тереңдетудің жаңа мүмкіндіктерін талқылады.
«ҚТЖ» ҰК» АҚ Қазақстанның Шығыс - Батыс және Солтүстік – Оңтүстік бағыттарындағы негізгі транзиттік хаб ретіндегі позициясын нығайтуға бағытталған инфрақұрылымды дамытудың негізгі стратегиялық жобаларын ұсынды.
Тиімді халықаралық әріптестіктің үлгісі болған Khorgos Gateway бірлескен жобасының сәтті жүзеге асырылуы ерекше атап өтілді.
Сондай-ақ, жаңа терминалдық қуаттылықтармен бірлесіп жұмыс істеу, мультимодальды тасымалдарды дамыту, сондай-ақ Каспий өңірі мен Еуропадағы логистикалық жобаларға қатысу перспективалары талқыланды.
Қазақстанның транзиттік әлеуетін дамыту, халықаралық логистикалық маршруттарды кеңейту және сауда-экономикалық байланыстарды нығайту үшін «ҚТЖ «ҰК» АҚ мен COSCO Shipping арасындағы серіктестіктің стратегиялық маңыздылығы атап өтілді.
COSCO SHIPPING-штаб-пәтері Шанхайда орналасқан әлемдегі ең ірі көлік-логистикалық холдингтердің бірі.
Компания 1600 астам кемеден тұратын флотты басқарады және контейнерлік тасымалдау, порт инфрақұрылымы және мультимодальды логистика бойынша көшбасшы болып табылады.
COSCO SHIPPING жаһандық желісі 144 елдегі 594 портты қамтиды және компания Fortune Global 500 рейтингінде 212-ші орында.
2024 жылдың қорытындысы бойынша COSCO Shipping кірісі $33.29 млрд, таза пайда — 6 6.87 млрд. Контейнерлік тасымалдау көлемі 25.9 млн ЖФБ, ал порт жүк айналымы — 144.03 млн ЖФБ-ны құрады.