Бейжіңде Қазақстан мен Қытай логистика мен өндірістік тізбектерді дамыту жолдарын талқылады
Бейжіңдегі Қазақстан-Қытай іскерлік кеңесінің аясында өткен екінші панельдік сессияда логистикалық және өндірістік тізбектердің өзара байланысын арттыру мен олардың әлеуетін күшейту мәселелері талқыланды, деп хабарлайды Rail-news.kz.
Сессияға қатысқан Қазақстан мен Қытайдың жетекші компаниялары көлік бағыттарын дамыту, өндірістік тізбектерді кеңейту және логистикаға цифрлық технологияларды енгізу мүмкіндіктерін қарастырды.
«Бір белдеу, бір жол» бастамасы аясында инфрақұрылым және логистика салаларындағы екі ел арасындағы өзара іс-қимылды нығайтуға ерекше көңіл бөлінді.
Жаңа бірлескен бастамалар транзиттік тасымалдардың тиімділігін арттырып, Қазақстанның өңірлік көлік-логистикалық хаб ретіндегі рөлін күшейтуге мүмкіндік беретіні атап өтілді.
«Қазақстан темір жолы» ҰК» АҚ Басқарма Төрағасының логистика жөніндегі орынбасары Ерлан Қойшыбаевтың айтуынша, соңғы 10 жылда Қазақстан арқылы өтетін контейнерлік тасымал көлемі 10 есеге артқан.