Көшпелі комиссия 125 вокзалдағы жөндеу жұмыстарын тексерді
“ҚТЖ” ҰК” АҚ вокзалдық инфрақұрылымды ауқымды жаңғырту бағдарламасын іске асыруда. Бір мезгілде еліміздің 125 вокзалында жөндеу жұмыстары жүргізілуде, деп хабарлайды Rail-news.kz.
“ҚТЖ” ҰК” АҚ басқарма төрағасының тапсырмасы бойынша көшпелі комиссиялар құрылып, 25 тамыз бен 1 қыркүйек аралығында объектілердің алдағы жылу маусымына дайындығына кешенді тексеру жүргізді.
Уақытша ғимараттардың жай-күйі және олардың алаңы мен жабдықталуы бойынша талаптарға сәйкестігі, жылыту, жарықтандыру жүйелерінің және ақпараттық сервистердің жұмыс істеуі тексерілді. Қауіпсіздік шараларына, жолаушылар үшін қолайлы жағдайларды қамтамасыз етуге, сондай-ақ кассирлердің, анықтамалық қызметтердің және вокзал бойынша кезекшілердің жұмыс орындарын ұйымдастыруға ерекше назар аударылды.
Комиссиялар объектілердің жай-күйін тіркеп қана қоймай, мердігер ұйымдар мен жауапты қызметтерге тапсырмалар бере отырып, анықталған кемшіліктерді жою бойынша жедел шаралар қабылдады.
Тексеру нәтижелері жергілікті атқарушы органдар мен мердігер компанияларға жеткізілді, олар уақытша үй-жайлардың жылу беру маусымына уақтылы дайындығын қамтамасыз етуге міндеттенді. Жасалған шарттар шеңберінде құрылыс-монтаждау жұмыстарын жүргізу сапасы мен мерзімдері үшін жауапкершілік жергілікті атқарушы органдар ұсынған мердігерлік ұйымдарға жүктелген.
Вокзалдарда және жолаушы пойыздарында бір мезгілде көрсетілетін қызметтердің сапасын жақсартуға бағытталған жөндеу жұмыстарының барысы туралы түсіндіру жұмыстары жүргізіледі.
Комиссиялардың қайта шығуы 15-20 қыркүйек аралығында жоспарланған.
