ҚТЖ-да «HR – өндіріс серпіні» стратегиялық HR-сессиясы өтті
ҚТЖ-да «Самұрық – Қазына» АҚ портфельдік компанияларының HR-директорларын біріктірген «HR-өндіріс серпіні»стратегиялық HR-сессиясы өтті, деп хабарлайды Rail-news.kz.
Іс-шараның мақсаты – адами ресурстарды басқару саласындағы озық тәжірибемен алмасу, өзекті сын-қатерлерді талқылау және өндірістік процестерді трансформациялау жағдайында персоналды дамытуға бірлескен тәсілдерді әзірлеу.
Технологиялық және әлеуметтік ортадағы қарқынды өзгерістер жағдайында кадрлық әлеуетті нығайту және HR саласында жаңа тәсілдерді енгізу ерекше маңызға ие.
ҚТЖ ашық кәсібидүнқатысу мәдениетін дәйекті түрде дамытып келеді. Осылайша, 2022 жылы компания HR Connect кездесуін өткізуге бастамашы болды, онда персоналды оқыту және дамыту саласындағы өзінің негізгі жобаларын ұсынды. Бүгінде мұндай іс-шаралар «Самұрық-Қазына» АҚ компаниялар тобы шеңберінде бірыңғай HR-экожүйесін қалыптастыруға ықпал ете отырып, тұрақты форматқа ие болуда.
Сессия барысында қатысушылар HR-бөлімшелердің алдында тұрған негізгі трендтер мен міндеттерді: процестерді цифрландыру, еңбек өнімділігін арттыру, көшбасшылық әлеуетті дамыту, білім мен сабақтастықты басқаруды талқылады.