Алматыда Көліктегі қауіпсіздік және цифрландыру бойынша VI Еуразиялық форум өтті
«Мұхамеджан Тынышбаев атындағы ALT Университеті» АҚ базасында Көліктегі қауіпсіздік және цифрландыру бойынша VI Еуразиялық форум өтті. Іс-шараға Қазақстаннан, жақын және алыс шетелдерден 270 қатысушы жиналды, деп хабарлайды Rail-news.kz.
Форум көлік және операциялық қозғалыс қауіпсіздігін қамтамасыз етудің, цифрлық шешімдерді енгізудің және зияткерлік көлік инфрақұрылымын дамытудың өзекті мәселелерін талқылауға арналған алаңға айналды.
Қашықтықтан диагностикалау, өтпелі мониторинг, компьютерлік модельдеу және пилотсыз жүйелерді енгізу технологияларына ерекше назар аударылды.
Форум жұмысына ҚР Көлік министрлігінің, ұлттық тасымалдаушылардың, салалық одақтардың, АТ-компаниялардың, қауіпсіздік жүйелерін өндірушілердің өкілдері, Парламент Сенатының депутаттары, сондай-ақ Ресей, Қытай, Өзбекстан, Қырғызстан, Тәжікстан және Грузиядан келген делегациялар қатысты.
«Қазақстан темір жолы» ҰК» АҚ Басқарма төрағасының орынбасары Мұрат Төрегелдин өз сөзінде Қазақстанның Еуразиялық көлік дәлізіндегі стратегиялық маңызын атап өтті. Ол ҚТЖ инфрақұрылымды дамытуға, жылжымалы құрамды жаңартуға, цифрландыруға және тасымалдаудың операциялық қауіпсіздігін арттыруға басымдық беретінін атап өтті.
Цифрлық трансформация шеңберінде ҚТЖ Huawei және Wabtec-пен бірлесіп жобаларды іске асырады, техникалық қарап тексеруді автоматтандыру үшін Kinetix жүйесін енгізеді, деректерді беру жабдығын жаңартады. Бұл шаралар қазірдің өзінде қауіпсіздік саласындағы бұзушылықтардың төмендеуіне ықпал етуде: ағымдағы жылдың 9 айында 5% төмендеу тіркелді, бұл ретте нысаналы көрсеткішке — минус 19% асып қол жеткізілді.
Форум бағдарламасы бағыттар бойынша панельдік сессияларды қамтыды:
-теміржол көлігіндегі қауіпсіздік,
-саланың цифрлық трансформациясы,
-автомобиль, әуе және су көлігін дамыту,
-білікті кадрларды даярлау.
Іс-шара аясында көлік-логистикалық сектор өнімдерінің көрмесі және «Достық» естелік медалін тапсыру рәсімі өтті.
