«Поттер пойызы» қазақ тіліндегі жаңарған бағдарламасымен және жаңа кейіпкерлерімен жолға шығады
«Жолаушылар тасымалы» АҚ «Поттер пойызы» атты мәдени жобаның жаңартылған бағдарламасын ұсынады. 25 қазан күні көрермендер шоу бағдарламасын толықтай қазақ тілінде тамашалап, жаңа кейіпкерлермен кездеседі. Бұл қойылым бұрынғыдан да әсерлі, жарқын әрі динамикалық сипатқа ие болмақ, деп хабарлайды Rail-news.kz.
Бүгінге дейін бұл сиқырлы сапарға 1500-ден астам ересек пен бала қатысып, саяхат пен театрландырылған қойылымды үйлестірген ерекше форматты жоғары бағалады.
Сапар барысында жолаушыларды келесі бағдарлама күтеді:
– сиқырлы әлемнің басты кейіпкерлерімен кездесіп, шоуды тамашалау – Гарри, Гермиона, профессор Дамблдор және жаңа қосылған кейіпкерлер;
– интерактивті ойындар мен костюмдегі актерлермен суретке түсу;
– балаларға арналған естелік сыйлықтар – сиқырлы таяқшалар мен тақырыптық кәдесыйлар.
Мерекелік пойыз «Астана-1 – Тастақ – Астана-1» бағыты бойынша жүреді. Жөнелту уақыты – 17:40 (Астана уақыты бойынша). Жолаушыларға пойыз жөнелтілуіне дейін алдын ала 30 минут бұрын келу ұсынылады.
Айта кетейік, «Жолаушылар тасымалы» АҚ өз құзыреті шегінде жылжымалы құрамды және қозғалыс қауіпсіздігін қамтамасыз етеді.
Бағдарлама мазмұны, қатысу шарттары мен билет алу жолдары туралы қосымша ақпарат ұйымдастырушының ресми Instagram-парақшасы @poezd_pottera жарияланады.
