ҚТЖ басшысы жеңіспен оралған футболшылар командасын марапаттады
«ҚТЖ» ҰК» АҚ Басқарма төрағасы Талғат Алдыбергенов Анталияда (Түркия) өткен Іnternational Сorporate Cup 2025 халықаралық турнирінде жеңіске жеткен құрама футбол командасын құттықтап, ойыншыларға «ҚТЖ Достық» медалін табыс етті, деп хабарлайды Rail-news.kz.
«Сіздер біздің ұжымның күшін, жеңіске деген ерік-жігерін және біртұтас команда ретінде әрекет ету қабілетін көрсеттіңіздер, - деп атап өтті Т. Алдыбергенов. – Сіздердің тәртіпті ұстанатындарыңыздың, адалдықтарыңыздың және бірігу қабілеттеріңіздің арқасында біз тек спорт алаңында ғана емес, сонымен қатар күнделікті кәсіби қызметте де алға жылжудамыз».
Бұл команда үшін бірінші жеңіс емес. Бұған дейін, 2025 жылдың тамыз айында «ҚТЖ» командасы «QAZAQSTAN QYZMET CUP: BIRLIK 2025» Кубогын жеңіп алып, табысты атап өтті. Осылайша, команда «QYZMET CUP: BIRLIK» кубогының жалғыз екі дүркін және «QYZMET CUP: Super CUP» кубогының үш дүркін иегері атанды.
International Сorporate Cup 2025 — ұйымдар мен компаниялар командалары арасында өткізілетін халықаралық корпоративтік турнир.
