ҚТЖ энергия тиімділігі және цифрлық басқару жүйелері бойынша дәріс өткізуде
"Қазақстан темір жолы "ҰК" АҚ инженерлік-техникалық персоналдың біліктілігін арттыру бойынша жүйелі жұмысты жалғастыруда, деп хабарлайды Rail-news.kz.
Үш қалада - Павлодар, Орал және Тараз қалаларында жылу техникасы бойынша инженерлер мен машинист-нұсқаушыларға арналған: «Пойыздар тартымына отын-энергетикалық ресурстардың шығынын нормалау және ақпараттық жүйелермен жұмыс (ЖТМО АС, ЭДТ АБЖ, TripOps) timizer)» тақырыбында оқыту семинарлары өтті.
Мұндай іс-шараларды өткізу отын-энергетикалық ресурстардың шығынын нормалаумен, есепке алумен және бақылаумен айналысатын мамандардың кәсіби дамуында маңызды рөл атқарады. Семинар озық тәжірибе алмасуға, құзыреттілікті нығайтуға және ресурстарды үнемдеу жұмысының тиімділігін арттыруға ықпал етті.
«Энергодиспетчерлік тартым» автоматтандырылған басқару жүйесі темір жол көлігінде электр энергиясы мен дизель отынын тұтынуды есепке алу, бақылау және талдау процестерін кешенді автоматтандыруды және ақпараттық қолдауды қамтамасыз етеді.
Автоматтандырылған жүйе «Машинистің бағдарын біріктірілген өңдеу» (AC ТБСЖ) талдамалық және статистикалық есептердің кең спектрін — web-интерфейс арқылы қолжетімді 145-тен астам нысанды қалыптастырады. Жүйе локомотивтердің жүктелу дәрежесін, жұмыс түрлері бойынша электр энергиясы мен отын шығысын жедел талдауға мүмкіндік береді, бұл ресурстарды ұтымды пайдалануға ықпал етеді.
TripOptimizer - отын шығынын оңтайландыру, қауіпсіздікті арттыру және шығарындыларды азайту үшін "ҚТЖ "ҰК" АҚ-да енгізілетін локомотивті басқарудың зияткерлік жүйесі. Жүйе маршрут бейіні мен құрам параметрлерін ескере отырып, поездың жылдамдығын және динамикалық тежеуді автоматты түрде реттейді, бұл операциялық тиімділіктің өсуіне ықпал етеді.