Машинистер машығы жетілдірілуде
«Қазақстан теміржолшысы» газетінің тілшісі
«ҚТЖ» ҰК» АҚ – Теміржол көлігі персоналын дамыту және бағалау орталығы» филиалында тепловоз машинистерін даярлау және кластық дәрежесін арттыру бойынша оқыту өтіп жатыр.
Бір апта бұрын басталған оқу курсының ұзақтығы – даярлық топтары үшін 24 аптаны, ал кластық дәрежесін көтеретін мамандар үшін 4 аптаны құрайтын болады. Бағдарлама пойыздардың қозғалыс қауіпсіздігін қамтамасыз ету және тартымдық жылжымалы құрамды сенімді пайдалану үшін қажетті кәсіби білімді, практикалық дағдылар мен құзыреттерді қалыптастыруға бағытталып отыр.
– Теміржол көлігіндегі жауапты тұлға машинистерді оқыту курсы Компанияның оқу бағдарламасы мен нормативтік актілеріне сәйкес теориялық дайындықпен қатар практикалық сабақтарды қамтиды. Кәсіби кадрларды даярлау «Қазақстан темір жолы» ұлттық компаниясы» акционерлік қоғамы қызметінің басым бағыттарының бірі болып табылады және теміржол саласының тұрақты дамуына ықпал етеді, – дейді орталық өкілдері.