ҚТЖ Бас көлік прокуратурасы тарапынан жүргізілген тексеріске түсініктеме берді
«ҚТЖ» ҰК» АҚ филиалдары мен еншілес ұйымдарын Бас көлік прокуратурасының тексеру фактісі бойынша компания бұл рәсім қадағалау органы тарапынан стандартты және жыл сайын болатынын мәлімдейді, деп хабарлайды Rail-news.kz.
Мәселен, 2024-2025 жылдары БКП «Магистральдық желі дирекциясында» жоспарлы тексерулер жүргізді, ағымдағы жылы «Интеграцияланған жоспарлау дирекциясынан» басқа «Қазтеміртранс» АҚ, «Жүк тасымалы» ЖШС-да осындай тексерулер өтті.
Компания қадағалау органына толық көмек көрсетеді және өзара іс-қимылға ашық. ҚТЖ басшылығы өтінімдерді келісу жүйесін цифрландыруға және автоматтандыруға бағыт алды және қазіргі уақытта пилоттан өткеннен кейін өнеркәсіптік пайдалануға енгізу жоспарланып отырған тиісті жоба іске асырылуда.
Сонымен қатар, ағымдағы жылдың 5 наурызында саланың проблемалық мәселелерін талқылау үшін Бас көлік прокуратурасының басшылығымен кездесу жоспарланған.
«Интеграцияланған жоспарлау дирекциясы» өз қызметін 2024 жылдың маусымында бастады. Филиалдың негізгі функциялары – жүктерді тасымалдауды стратегиялық жоспарлау және ұзақ мерзімді болжау, тасымалдаудың айлық жиынтық тапсырысын қалыптастыру, тасымалдау процесін модельдеу және инфрақұрылымның өткізу мүмкіндіктері мен жылжымалы құрамды ұтымды пайдалануды ескере отырып көрсеткіштерді белгілеу.