ҚТЖ пойыздарымен 6 миллионнан астам жолаушы тасымалданды
«Жолаушылар тасымалы» АҚ 2026 жылдың алғашқы алты айындағы жұмыс қорытындысын шығарды. Осы кезеңде Ұлттық тасымалдаушының пойыздарымен 6 миллионнан астам жолаушы сапарлаған деп хабарлайды Rail-news.kz.
Жолаушылар ағыны дәстүрлі түрде еліміздің ірі қалаларына тиесілі болды. Жолаушыларды жөнелту көлемі бойынша Алматы қаласы көш бастады. Жыл басынан бері бұл қаладан 993 мың жолаушы жолға шыққан. Екінші орында Астана қаласы – 855 мың жолаушы, ал Шымкент қаласынан 393 мың жолаушы тасымалданды.
Өңірлер бойынша да жолаушылар ағыны жоғары деңгейде сақталуда. Атап айтқанда, Ақтөбе облысының станцияларынан 615 мың, Абай облысынан 413 мың, Қарағанды облысынан 390 мың, Қызылорда облысынан 366 мың және Жамбыл облысынан 286 мың жолаушы пойыз қызметін пайдаланған. Бұл көрсеткіштер теміржол көлігіне деген сұраныстың республиканың барлық өңірлерінде тұрақты екенін айғақтайды.
Теміржол тасымалына сұраныс әсіресе жазғы және қысқы маусымда, сондай-ақ, мереке күндері арта түседі. Осыған байланысты 2026 жылдың жазғы маусымында «Жолаушылар тасымалы» АҚ 15 қосымша теміржол бағытын ұйымдастырып, 4 қосымша «Тальго» пойызын және 3 қосымша қала маңы пойызын іске қосты. Қосымша пойыздар мен тіркеме вагондар Астана – Достық, Алматы – Достық, Семей – Достық, Өскемен – Достық, Қызылорда – Достық және Павлодар – Достық бағыттарында қатынайды. Сонымен қатар Алматы – Астана, Астана – Шымкент, Ақтөбе – Астана, Қарағанды – Балқаш және Алматы – Семей бағыттарындағы сұраныс жоғары пойыздарда орын саны көбейтілді.
Теміржол билеттеріне сұраныс артқан кезеңде «Күту парағы» қызметін қолдануға болады. Бұл қызмет бос орындарды сатып алуға мүмкіндік береді. Сервис bilet.railways.kz сайтында және барлық теміржол билет кассаларында қолжетімді.
2026 жылдың басынан бері «Күту парағы» арқылы жолаушыларға 84 мыңнан астам босаған орын ұсынылып, нәтижесінде 28 мыңнан астам билет рәсімделді.
Билеттерді bilet.railways.kz ресми сайтынан, «Жолаушылар тасымалы» АҚ билет кассаларынан, сондай-ақ, билеттерді сатуға арналған мобильді сервистер арқылы қолжетімді.
Қосымша ақпаратты 1433 тегін байланыс нөмірі немесе «Жолаушылар тасымалы» АҚ-ның ресми Instagram парақшасы @jolaushylar_tasymaly арқылы сатып алуға болады.