Нұрлы жол вокзалының кассирі күніне 100 шақты адамға қызмет көрсетеді

Райхан Рахметова

«Қазақстан теміржолшысы» газетінің тілшісі

Барлық салада адами факторды онлайн қызметтер басқан дәуірде пойызға билетті де негізінен сайттар арқылы сатып алатын болдық. Ал бұл ретте билет кассиріне деген қажеттілік қандай деңгейде? Нұрлы жол вокзалындағы тәжірибелі билет кассирлерінің бірі – Гүлмира Салықова арқылы теміржолдағы осы саланың бір күндік жұмысымен таныстық.

Гүлмира «Нұрлы жол» вокзалындағы билет кассасында 10 жылдан бері еңбек етеді. Мұнда 17 кассир және 2 аға кассир бар. Олар күндізгі ауысымда 5, түнде 2 кассада жұмыс істейді. Бүгін ол күндізгі ауысымға түскендіктен таңертеңгі сағат 8-ден өте вокзалға жетті. Жұмыс киімін киіп, түнгі ауысымдағы әріптесінің есебін тексеріп, қабылдап алды. Тура 9.00-де вокзалдың 4-қабатындағы билет кассаларының біріне жайғасты.

– Кассаға күніне орташа есеппен 70-80 адам келсе, мереке күндері 100 адамнан асады. Олардың жартысы билет алуға, жартысы билетін қайтаруға келеді. Әрине, мұның бәрін онлайн жасауға да болады. Бірақ интернетті дұрыс қолдана білмейтін қарт адамдар немесе билет қайтаруда қиындықтар туындағандар кассаға келеді. Себебі әдетте пойыздың жүруіне бір тәуліктен аз уақыт қалғанда онлайн қызмет арқылы билет қайтарылмайды. Одан бөлек мүгедектер де жеңілдікпен билет алуға келеді, оларға 50 пайыз жеңілдік бар, сонымен қатар жақында шыққан «Жастар» жобасы арқылы 16-25 жас аралығындағы жастар да 25 пайыз жеңілдікпен билет алады. Жалпы көпшілік болғасын түрлі мінездегі адамдар бар, солардың бәрінің тілін тауып, қызмет көрсету үшін біздің жұмыста адамға ерекше шыдамдылық пен төзім және адамдардың жеке бас деректерін толтыруда сауаттылық пен мұқияттылық керек, – дейді билет кассирі.

Арасында жұмыс орнындағы арнайы бөлмеде түскі асын ішіп алған билет кассирі осылай кешкі 21.00-ге дейін 12 сағат тапжылмай халыққа қызмет көрсетеді. Екі жұмыс күнінен соң екі күн демалысы бар, әрі қарай түнгі ауысымды алмастырады. Жалпы жұмыс ауыр деуге келмес, себебі бұрынғы АСУ Экспресс жүйесінен бөлек қазір әлдеқайда жетілдірілген бағдарламамен жұмыс істейді. Түбіртек билеттерін жолаушы жоғалтып алғанның өзінде оның деректері базаға енгізілгендіктен, билетін қағазға шығармай-ақ вагонға емін-еркін жайғаса береді. Билет сату жүйесінде өзгерістер болғандықтан кассирлер үзілістен соң жұмысқа шыққанда 1 айдай жаңа бағдарламаға сай оқытылады. Екі баласы бар Гүлмира да декреттік демалыстан шыққанда арнайы оқыпты. Кейіпкеріміз – теміржолшылар әулетінен шыққан және тасымалды ұйымдастыру бойынша жоғары білім алған маман.

Сондықтан ол билет кассирінен басқа да жұмыстарда өзін сынап көруге дайын. Билет кассирінің жұмысына куә болып отырып, кассаның алды босай қоймағанын көріп, бұл бағыттағы жұмыс толық электрондық қызметке көшпей, әлі де біразға дейін нақты адамдармен жалғаса беретініне көз жеткіздік.

– Мереке кезінде билет тапшылығы жиі болады. Сол кезде «Күту парағы» көмекке келеді. Бұл қызметті де өз бетінше пайдалана алмайтындар көп. Осы жағынан халыққа көмегіміз қатты тиіп жатады, – дейді Гүлмира. Мұндағы билет кассирлерінің алды – зейнеткерлік жасқа жетіп жатса, кішілері кеше ғана отбасын құрып жатқан жас келіншектер екен. Гүлмираның арманы – жолаушыларға жайлы Тальго сынды жүрдек пойыздар көбейсе дейді. Ал оның билеті ертерек алса тіпті де қымбат емес, арзан, кәдімгі жай пойыздың бағасынан аспайды деп түсіндірді.

Жаңалықтар
04.04.2025
ҚТЖ және Цзиньхуа Көлік-инвестициялық тобы логистикалық кешен салу туралы келісті
Жаңалықтар
04.04.2025
"KTZ Express" қытайлық серіктеспен екі меморандумға қол қойды
Жаңалықтар
04.04.2025
Теміржолшылар мен полиция бірігіп 238 рейд жүргізді
Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды