Қырағы кезекші — қауіпсіздік кепілі. Арыс-Түркістан жолындағы оқиға

ҚТЖ келбеті
16.05.2025, 09:34
Суретті түсірген автор
Нұрлыбек Досыбай

Түркістан облысы бойынша меншікті тілші

Түркістан мен Арыс аралығындағы теміржолдың 3188-шақырымдағы 9-пикетінде орналасқан Қарақоңыр өткелінде кезекші Қалдыбек Жабақұлы қырағылық үлгісін көрсетіп, жылжымалы құрам мен жүк көлігінің соқтығысуына жол бермеді.

Оқиға орны ауданаралық аумақта орналасқанымен, бұл облыстық маңызы бар автокөлік жолы мен теміржол тармақтарының түйіскен нүктесі. Сондықтан да Қарақоңыр станциясының іргесіндегі 3-санатқа жататын бұл нысанда көліктің барлық түрінің өтуіне рұқсат етіледі. Сонымен қатар өткелде кезекшілікке түсетін 4 қызметкер 12 сағаттық ауысым негізінде жұмыс істейді.  

Өткелдегі механизмдердің барлығы да автоматтандырылған әрі қызметкерлерге тиісті жағдайдың бәрі жасалған. Солай десек те, бұл нысан маман араласуын қажет етеді. Өткел кезекшісінің өз ісіне жауапкершілігінің арқасында үлкен апаттың алды алынды.  

Қызметтік міндетін атқарып отырған Қасымбек Қалдыбек түс кезінде гүрілдеген дауысы жер жарғандай ауыр жүк көлігінің ыңыранып, өткелге қарай бет алып келе жатқанын байқайды. Ол дереу сыртқа шығып, маңында өзге көліктің бар-жоғына көз жеткізу үшін төңірекке барлау жасайды. Өйткені сүт пісірім уақыт шамасында бұл жерден №3404 жүк пойызы да екпіндете жетіп, зулап өте шығуы тиіс. Алайда, жүк көлігі шойын жол тармағының қақ ортасынан өте бергенде қозғалмай, кілт тоқтап, тұрып қалады. Жүріп кетер деген үмітпен бір-екі жерін түртіп, шұқылап көргенмен еш өзгеріс бола қоймайды.  

Осы сәтте өткел кезекшісі Қалдыбек Жабақұлы қарап тұрмай, қамданып, өз міндетіне кіріседі. Алдымен станция диспетчеріне хабар беріп, машинистке белгі беретін тетікті шұғыл іске қосады. Содан жүк көлігінің жүргізушісімен бірге темір жолда апатты болдырмаудың амалын жасайды. Ал осы сәтте өз жолындағы бағдаршамның қызыл түсін байқаған №3404 пойызының машинисі М.Тажиков жылжымалы құрамды Қарақоңыр станциясындағы 2 бас жолға тоқтатады. Бұл кезде сағат тілі 13:20 минутты көрсеткен.  

Күтпеген жерде кілт тоқтаған «SACMAN» жүргізушісі шарасыз халге түссе де, соңғы үмітпен көлігінің қозғалтқыш бөлігін іске қосқанда, көлік кенет жүріп кетеді. Қасқағым сәтте өң мен түстің арасындағыдай күйге түскен ол көлігін қауіпсіз жерге қояды. Бұл кезде өткел кезекшісі Қалдыбек Жабақұлы пойыз қозғалысына ешқандай қауіп төніп тұрмағандығын, жағдайдың жедел оң реттелгенін айтып, тиісті тараптарға хабар беріп жатты. Бұл кезде сағат тілі 13:27 минутты көрсеткен. Одан кейін полиция өкілдері де оқиға орнына жетіп, жүргізуші Т.Д.-ның жол қозғалысы ережесіне қайшы әрекет жасағаны үшін заң аясында тиісті шара қолданады.  

Қарап отырсаңыз, біз баяндап отырған оқиға қасқағым сәтте болып өткен. Бас-аяғы 7-10 минут шамасы. Ал оның алдын алмағанда зардабы орасан зор болар ма еді. Осындай сын сағатта қырағылық үлгісін көрсеткен тәжірибелі теміржолшының ерен еңбегі ертеңінде-ақ жергілікті басшылық тарапынан тиісті деңгейде бағаланған. «Шымкент магистральдық желі бөлімшесі» филиалының директоры А.Қойлыбаев кейіпкеріміздің кеудесіне «Қазақстан темір жолына 120 жыл» төсбелгісін тағып, арнайы алғыс хатпен марапаттады.  

– Біз енді өзімізге тиесілі міндет, мақсатымызды дер кезінде орындап шықтық қой. Аса бір батырлық, батылдық демес едім. Менің орнымда қай әріптесім болса да осылай әрекет еткен болар еді. Солай десек те, еңбегімізді елеп, ескеріп, сый-құрметке бөлеп жатқан жетекшілерімізге зор алғысымды білдіремін, – дейді өмірінің 35 жылын теміржол саласына арнап, осы бағытта тер төгіп келе жатқан кейіпкеріміз Қасымбек Жабақұлы.  

 

Жаңалықтар
31.08.2025
ҚТЖ мен Қытай компаниясы «Бақты – Аягөз» теміржолын талқылады
Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек