Жолшы мұраты

ҚТЖ келбеті
11.02.2020, 11:40
Асхат Райқұл

Жамбыл жол дистанциясы бастығының орынбасары Марат Егембердиевтің теміржол саласында үзіліссіз еңбек етіп келе жатқанына 35 жылдан асып барады. Еңбегі ерен жолшының өмір жолы әріптестеріне үлгіөнеге деуге әбден лайық.

Бозбала шағы сексенінші жылдарға дөп түскен Марат Саттарұлы әу бастанақ теміржолшы болуды мақсат тұтқан. Сол мақсат-мұраттың жетегімен Алматы теміржол институтына құжат тапсырған ол 1984 жылы оқу орнын жол шаруашылығы мамандығы бойынша бітіріп шығады. Арнайы жолдамамен туған жері Жамбыл өңіріне келіп, Жамбыл жол дистанциясына жұмысқа орналасады.

– Осындағы Ақшолақ станциясына жол бригадирі болып жұмысқа тұрдым. Сол күннен бастап жол шаруашылығының барлық ыстықсуығын көріп келемін. Түрлі қызмет сатыларында пісіп-жетілдім. Аға буыннан көп тәрбие алдым. Білмегенімді сұраудан, білуден еш жалыққан жоқпын. Отыз бес жылдық еңбек жолымда мамандығымның көптеген қиындықтарымен бетпе-бет келіп, қызықтарына да куә болдым. Менің ойымша, теміржол саласында жолшы еңбегіне жететін адал еңбек жоқтың қасы. Әрине, теміржолдағы ең басты қызмет саналатын қозғалысшылардың да, машинистердің де еңбегіне сөз жоқ, бірақ ең ауыр да жауапты жұмыс жолшылардікі емес пе? Теміртабан жолдардың күтімін жасап, қос рельстің бойында жүретін жолшылардың жыл он екі ай тынымсыз еңбегіне жететін ештеңе жоқ. Өзімнің басқа емес, осы жол мамандығын таңдағаныма өкінбеймін», – деген теміржолшы Жамбыл-Луговой, Жамбыл-Жаңатас бағыттарында аға шебер болған жылдарын сағынышпен еске алды.

2002 жылдан Жамбыл жол дистан- циясы бастығының орынбасары қыз-метін атқарып келе жатқан Марат Егембердиев жуырда ердің жасы алпысқа толғалы отыр. Осы жылдар ішінде тәжірибелі, білімді әрі білікті маман ретінде бағасын алған оны әріптестері жоғары бағалайды. Саланың қауіпсіздігін сақтауда, жолдың сапалы жөнделуін қадағалауда еткен еңбек, төккен тер бекерге кетпеген. Мараттың да әу бас-тан көздеген мұраты осы болатын. Өз саласының мықты маманы болып, алып саланың дамуына титтей болса да үлесін қосу. Сондықтан бүгін Жамбыл жол дистанциясының ұжымы оны мерейлі жасымен құттықтап, ізгі тілектерін жолдауымызды өтінді.

«Марат Саттарұлы қызмет бабында қатал, емендей берік, қайсар жан, сауаттылығымен өзін мойындатқан. Отбасының бақыты мен шаттығы ортаймасын, дені сау болып теміржол саласына қызметі жемісті болып жалғаса берсін» дейді әріптестері. 

Жаңалықтар
29.10.2025
АҚШ үкіметінің өкілдері Астанадағы Локомотив құрастыру зауытына барды
Жаңалықтар
29.10.2025
ҚТЖ басшысы жеңіспен оралған футболшылар командасын марапаттады
Аймақтар
29.10.2025
Тараздағы оқу орталығында машинист-инструкторлар үшін практикалық дәріс өтті
Аймақтар
29.10.2025
Теміржолшылар марапатталды
Аймақтар
29.10.2025
Елдік пен еңбек мерекесі
Аймақтар
29.10.2025
Республика күні мерекесінде теміржолшылар марапатталды
Жаңалықтар
28.10.2025
ҚТЖ-да жасанды интеллект бойынша семинар өтті
Жүк тасымалы
28.10.2025
ҚТЖ: уақытша шектеулер қытай тарапының пойыздарды қабылдауының төмендеуімен байланысты
Жаңалықтар
28.10.2025
Иран, Түркия және Ауғанстан теміржол тасымалы бойынша ынтымақтастықты арттыруда
Әлемде
28.10.2025
Әлемдегі ең жылдам пойыз 453 км жылдамдықты еңсерді
Әлемде
28.10.2025
Alstom Португалияға 117 пойыз жеткізетін болды
Жаңалықтар
27.10.2025
ҚТЖ – бірліктің, күш-қуат пен жеңістің символы!
Жолаушылар тасымалы
27.10.2025
Алматы мен Мәскеу арасында тікелей теміржол қатынасы ашылды
Жаңалықтар
25.10.2025
Талғат Алдыбергенов теміржолшыларды Республика күнімен құттықтады
Жаңалықтар
24.10.2025
ҚТЖ Республика күнін салтанатты түрде атап өтті
Инфрақұрылым
24.10.2025
Қызылжар жобасынан не күтеміз?
Инфрақұрылым
24.10.2025
Жол техникалары сапқа қойылды
Аймақтар
24.10.2025
Шаруашылықтар қысқа дайын ба?
Аймақтар
24.10.2025
Кемшіліктер қайталанбауы тиіс
ҚТЖ келбеті
24.10.2025
Жолаушының алғысына бөленген кассир