Қараусыз жайылып жүрген мал пойыз қозғалысына қауіп төндіруде
Осы жылдың басынан бері пойыз жүргізушілері темір жолдарға малдың шығуына байланысты 1114 шұғыл тежеу қолданды, деп хабарлайды Rail-news.kz.
953 жағдайда жануарларға соқтығысудың алдын алу мүмкін болмады. Мұның бәрі локомотивтерді мәжбүрлі жөндеуге және жолаушылар мен жүк пойыздарының кешігуіне әкелді.
Темір жолдарда қараусыз қалған мал қозғалыс қауіпсіздігіне төнетін қауіп болып табылады. Теміржолшылар пойыздардың жануарларға соғылуының ықтимал салдары туралы елді мекен тұрғындарына түсіндіру жұмыстарын жүргізеді. Жыл басынан бері 1362 жиналыс өткізілді және радио мен теледидарда 131 сұхбат ұйымдастырылды. Жол бойында малдың шығуын болдырмау үшін ықтимал қауіпті учаскелерде қоршау құрылысы жүргізілуде.
Алдын алу шараларына және ауыл шаруашылығы жануарларын жаюдың үлгілік қағидаларында белгіленген тыйымға қарамастан, ауыл шаруашылығы жануарларын қараусыз жаю жалғасуда.
Теміржолшылар дабыл қағып, теміржолдың қауіптілігі жоғары аймақ екенін еске салады, ал жолда қалған жануарлар ауыр зардаптарға әкелуі мүмкін.