Жіңішке станциясында рейд ұйымдастырылды

Ақтөбедегі бірінші класты Жіңішке станциясы халықаралық жүк тасымалын ұйымдастырып отыр. Шетелдік жылжымалы құрамдарды қабылдап отырған станцияда қауіпсіздік басты назарда.  

Жіңішке станциясында 67 кірме жол бар. Мұнда тәулініне 300-ге жуық вагон тиеледі. Сондықтан қауіпсіздік шаралары тұрақты бақылауда.  

Жіңішке станциясы бастығының орынбасары Әлібек Жұмабаев, станция инженері Анар Мұқанова және Ақтөбедегі желілік полиция бөлімінің инспекторларының қатысуымен кезекті рейд шараларын өткізді. Жүргіншілерге жадынама таратып, түсіндіру жұмыстарын жүргізді.  

“Станция аумағы, Махамбет тұрғын алабын аралап, әңгімелесу жүрді. Теміржолда бөгде адамдардың жүруге болмайтыны, жолаушылар вагондарының әйнектерін сындырмау туралы түсіндірілді. Рейд кезінде стратегиялық аймақта жол жүру ережесін бұзған адамдар әкімшілік жауапқа тартылды”,- дейді станция инженері Анар Мұқанова.  

Теміржолшылар мен тәртіп сақшыларын стратегиялық аумақта бөгде адамдардың бейқам жүрісі алаңдатып отыр. Олардың қауіпсіздік ережелерін өрескел бұзып, пойыздар қозғалысына кедергі келтіруі жылжымалы құрамдарды шұғыл тоқтату жағдайларын болдырмаудың алдын алды.  

Төрт түлік малдың жолға шығып, қоршауларды бұзып кету дерегі азаймай отыр.  

Рейд кезінде бір адам әкімшілік жауапқа тартылып, бірнеше жүргіншіге ескерту берілді.