Аягөздегі теміржолшылар мұражайы қайта жаңғырды

Темір жол тарихы
04.02.2022, 14:04
Қуаныш Қожаев

Абай облысы бойынша меншікті тілші

Аягөз локомотив пайдалану депосында аса құнды жәдігерлерге бай мұражай орналасқан. Жергілікті теміржолшылар үшін қастерлі саналатын осынау мәдени орын ҚТЖ-ның 25 жылдығы мен «Машинистер ұстаханасы» атанған депоның 90 жылдығына орай қайта жаңғыртудан өтті.

Локомотившілер мекемесінің мерейтойына орай арнайы іс-шаралар жоспары әзірленіп, шығындар сметасы да даярланғанымен, карантиндік шектеулерге байланысты өтпей қалған еді. Әйтсе де, оның аясында теміржолшылар мұражайы қайта жаңарды. Ондағы жәдігерлер тағы да біршама толықты. Әсіресе, бұрын-соңды мәлім болмаған құнды деректер қатарында, атап айтсақ, аягөздік Түрксіб ардагерлерінің, әр жылдарда еңбек еткен «Құрметті теміржолшы» атанған машинистер туралы құнды деректер жинақталды. Сондай-ақ, әйгілі династиялар, мемлекеттік марапат иелері жайлы және де салалық қызмет пен спорттағы жетістіктер туралы материалдар мен жәдігерлер музейге қойылды.

– Аягөз станциясы сонау жылдары шығыстағы бөлімше орталығы болғанын бүгінгі ұрпақ осы мұражайға келіп біледі. Теміржолдың арқасында өткен ғасырдың 30-шы жылдары бұл елдімекен үлкен қалаға айналды. Одан бөлек Аягөз шаһары – қазақ теміржолының тарихында тұңғыш рет машинистердің ұлттық кадры қалыптасқан қала. Ал, осының барлығын тарих ретінде сақтап, келешекке аманаттауда мұражайдың берері зор. Мәселен, осы жуырда ғана қаладағы К.Бозтаев атындағы орта мектептің оқушылары мұражайға арнайы келіп экскурсия жасады. Жас өрендердің тарихи дерек терге, көне жәдігерлерге қызыққаны сонша, бірталайынан болашақта теміржолшы болуға деген құлшыныс оянғанын байқадық, – дейді бұл ретте пікір білдірген ТЧЭ-25 мекемесі кәсіподақ ұйымының төрағасы Ғалинұр Мырзашев.

Көлемі 200 шаршы метрден асатын, үш залдан тұратын мәдени орын осылайша жаңа қырынан көрініс табуда. Түрксібтің даңқты құрылысшыларының фотосуреттері мен сол дәуірдегі қолданылған теміржол аспаптары өткеннен сыр шертеді. Сонымен қатар, Ақтоғай-Аягөз-Жарма телімдері аралығындағы теміржол схемасы, депоның келісті макеті де арнайы мүйіске қойылған.

Бір бұл емес, аймақ теміржолынан мол мағлұмат беретін байырғы мерзімдік басылымдар мен кітаптар, тарихи фотосуреттер де мұражай төрінен орын алған.

Аягөз бен Жарма – әйгілі теміржол династияларымен даңқы шыққан өңірлер. Шығыстағы шойынжолды түлеткен атақты әулеттердің деректері мен фотосуреттері де мұражайдан лайықты орын алған.Сонымен қатар, бір бұрыш тәуелсіздіктен кейінгі отандық теміржол тарихына арналған, ҚТЖ құрылған кезеңнен бергі уақытты қамтиды.

Қазіргі күні мұнда музейдің кәсіподақ ұйымы теңгеріміне алынуы себепті мүліктерді түгендеу жұмыстары жүргізіліп жатыр. Инвентаризациялау жұмыстары музей тарихында болмаған екен. Бұл орайда, аса құнды тарихи зат ретінде бағаланған 90 жәдігер нақтыланыпты. Олардың көпшілігі кешегі дәуірде аягөздік Түрксіб құрылысшыларының өз қолдарынан алынған. Көпшілігін олардың ұрпақтары әкеліп өткізген.

Сонымен қатар, тағы бір жаңалық – штат бөлініп, мұражай қызметіне арнайы адам алыныпты. Бұл да салалық кәсіподақ бастамасымен мәдени орынның қайта жандануын айғақтаса керек.

Темір жол тарихы
22.04.2025
Бір жәдігердің тарихы
Әлеумет
22.04.2025
Отбасы – шағын мемлекет
Қауіпсіздік
22.04.2025
Жасөспірімдерге темір жолдың қауіптілігі түсіндірілді
Сұхбат
22.04.2025
Қамқорлықтан кенде емес
ҚТЖ келбеті
22.04.2025
Үздік өнертапқыштар марапатталды
Аймақтар
22.04.2025
Құрылыс жұмыстары басталды
Аймақтар
22.04.2025
Мемлекет басшысы Ақтау теңіз портының жұмысымен танысты
Жаңалықтар / Мұрағат
22.04.2025
Қазақстан теміржолшысы газеті, №30 22 сәуір 2025 жыл
Аймақтар
21.04.2025
Оқушылар депоға экскурсия жасады
Спорт
21.04.2025
Волейболдан іріктеу турнирі өтті
Жаңалықтар
21.04.2025
Өңіраралық мобильді жедел әрекет ету топтары пойыздарды қорғауды күшейтеді
Жүк тасымалы
21.04.2025
Қытай Орталық Азия елдеріне жүк тасымалын арттырып жатыр
Жаңалықтар
19.04.2025
«Алматы – Ташкент» пойызының жолсерігі баланы құтқарып қалды
Инфрақұрылым
18.04.2025
Достық-Мойынты учаскесінде 90 көпір орнатылды
Әлеумет
18.04.2025
Балалар арасында сурет салу байқауы басталды
Аймақтар
18.04.2025
Мамандық таңдау – маңызды іс
Аймақтар
18.04.2025
Қарт түбектің қақпасы қайта түлемек
Жүк тасымалы
18.04.2025
Қазақстан баламалы маршруттарды белсенді дамытуда
Жаңалықтар / Мұрағат
18.04.2025
Қазақстан теміржолшысы газеті, №29 18 сәуір 2025 жыл
Жаңалықтар
17.04.2025
ҚТЖ теміржол вокзалдарын ауқымды қайта құруға кірісті