Жеңістің 78 жылдығына орай спорттық жарыстар өтті
Тараз қаласы бойынша меншікті тілші
Кәсіподақ ұйымы бекіткен күнтізбелік жоспар бойынша жамбылдық теміржолшылар арасында Ұлы Жеңістің 78 жылдығына арналған спорттық жарыстар басталып кетті.
Сарышаған, Түлкібас станцияларында қыздар арасында дартстан, ал жігіттер арасында дойбыдан сайыс өтті. Қыздар арасында 1-орынды белгі беру және байланыс дистанциясының байланыс электромеханигі Гүлзада Жангутиева иеленсе, екінші және үшінші орынды жол дистанциясының технигі Айнұр Айымбекова мен байланыс дистанциясының байланыс электромехнигі Әсел Оспанова өзара бөлісті. Ал дойбыдан 1-орын жол дистанциясының бас механигі Думан Искаковке, 2-орын электрмен жабдықтау дистанциясының аға электромеханигі Әнуар Түлеубековке, 3-орын байланыс дистанциясының кадр жөніндегі маманы Ермахан Әбдрайымовқа бұйырды.
Түлкібас станциясында өткен дартста І орынға жол дистанциясының жетекші инженері Зибагүл Тлебалдиева, ІІ орынға РЦО жетекші маманы Умида Исламова, ІІІ орынға жол инженері Гүлмира Жетпісбаева ие болды. Дойбы ойынында жол монтері Мұрат Каримов, өткел кезекшілері – Палымжан Ташенов пен Нұрсұлтан Керімбай шеберліктерін байқатты.
Тараз көліктегі оқыту орталығындағы курсанттар арасында да кір тасын көтеру, тоғызқұмалақ және үстел теннисі бойынша жарыс өтті. Кір тасын көтеруде қалпына келтіру пойызының жүргізушісі Гияс Әбдрахманов ешкімге дес бермеді. Ал Жамбыл вагон жөндеу депосының вагон қараушысы Андрей Швалов екінші, Тараз әскерилендірілген теміржол күзетінің сарбазы Сатыбалды Шатырбаев үшінші орынды иеленді. Тоғызқұмалақ ойынында қыздардың мерейі үстем болды. Жамбыл электрмен жабдықтау дистанциясының электромеханигі Мээрим Кочорбаева бірінші, байланыс дистанциясының электромонтері Зарина Анарбекова екінші, жетекші инженері Тимур Анарбеков үшінші орынды иеленді. Үстел теннисінде Тараз көліктегі оқыту орталығы директорының орынбасары Владимир Белоногов бірінші, Жамбыл вагон жөндеу депосының вагон қараушысы Әміржан Тайжан екінші, электрмен жабдықтау дистанциясының электромонтері Аслан Сейлеканов үшінші орынды иеленді.
– Жеңімпаздардың барлығы кәсіподақ тарапынан арнайы жүлдеге ие болды. Жақын арада ардагерлер арасында жарыс ұйымдастырылады, – дейді спорт нұсқаушысы Евгений Тянь.