Шалқарлық теміржолшылар волейбол күнін атап өтті
Ақтөбе облысы бойынша меншікті тілші
9 ақпан – Халықаралық волейбол күні. Шалқарлық теміржолшылар биыл да жылдағы дәстүрлерінен жаңылмай, спорттың бұл түрінен командалық жарыс өткізді.
Кәсіподақтың қолдауымен ұйымдастырылған спорттық шараға теміржолшылардың 5 командасы іріктеліп шықты. Олар – Шалқардағы жол дистанциясы, белгі беру және байланыс дистанциясы, станция ұжымы, әскерилендірген күзет және локомотив депосы қызметкерлерінен құралған командалар.
«Волейбол – теміржолшылардың сүйікті спорттық ойыны. Сондықтан 1895 жылдан атап өтілетін әлемдегі ең танымал спорт түрлерінің бірі жыл сайын бізде де аталып өтеді. Бұл жолы да бес команда өте шебер де тартысты ойын көрсетіп, жанкүйерлерін риза етті. Ойыншылар да әбден жаттыққан, кәсіби волейболшылардан кем ойнаған жоқ», – деді бөлімшенің спорт нұсқаушысы Нұргүл Батырхан.
Үздік ойыншылар алғыс хаттар мен бағалы сыйлықтарға ие болды.
