Сексеуіл станциясында жұмысшыларға еңбек жағдайы жасалуда

Станция тынысы
16.09.2024, 14:24
Суретті түсірген автор
Сабырхан Сейілбекұлы

Қызылорда облысы бойынша меншікті тілші

Биыл Қызылорда магистральдық желі бөлімшесінің Сексеуіл жол дистанциясында біршама жаңалықтар орын алуда. Жыл басында су жаңа автокөлік алынып, жолшылар жұмысын жеңілдетсе, одан кейін бірінен соң бірі пайдалануға берілген жылыту пункттері мен заманауи модульдік жатақханалар еңбек жағдайларын одан сайын жақсарта түсті.    

Пойыздардың қозғалыс қауіпсіздігін сақтауды ең маңызды рөл атқаратын жолшылар жыл басынан бергі уақытта пойыздардың қозғалыс қауіпсіздігінің бұзылуына жол берген жоқ. Дистанция бастығы Мұрат Байділдаевтың айтуынша, телім жолдарына күнделікті күтім жасаумен қатар оларды жөндеу, бабына келтіру жұмыстары күшейтілуде екен. Мысалы 2023 жылы Арал теңізі-Сапақ-Аралқұм станциялары арасындағы тақ жолдың мерзімі жеткен ағаш тізбекті шпалдары жалпылама күрделі жөндеу барысында 23,6 шақырымдық аумағы фоссло бекітпесімен бекітіліп, темірбетон шпалдарымен жаңаланған. Ағымдағы жылы да дистанцияда қауіпсіздікті арттыру мақсатында Жол картасы бойынша ауқымды жұмыстар жоспарланып, кезең-кезеңімен орындалып жатыр екен. Басты және жанама жолдардың 13 дана ағаш шпалды бағыттағыш бұрмаларын темірбетонды білеулі бұрмалармен ауыстыру жоспарланса, қазіргі таңда 4 дана бағыттағыш бұрма толығымен ауыстырылып, 9 данасын ауыстыруға дайындық жасалып жатыр екен.

– Темір жол бойына қараусыз мал шығып, қауіпсіздікке кедергі келтірмеуі үшін биыл 46,0 шақырымды тікенек сыммен қоршау жұмыстары жоспарланған. Қазіргі уақытта дистанция қызметкерлерінің өз күшімен 33,0 шақырым қоршау тұрғызылып, осы қыркүйек айында жолдың екі бетін тікенек сыммен қоршау жұмыстары толығымен аяқталады. Жол күтімін ауыр жол машиналарының көмегімен ретке келтіру жұмыстары да алдағы күндерде жүргізіледі. Мәселен телімдердегі жол төсемінің балласты қабаты ластануына байланысты Қызылорда магистральдық желі бөлімшесі басшылығының нұсқауымен РМ, ДУОМАТ, ДГС, ПБР техникалары бөлініп,  25,1 шақырымдық жолды тазалау және нығайту жұмыстары биыл қыркүйек және қазан айларына жоспарланып, дистанция жолшылары аталған жұмыстарды толықтай ұйымдастыруға атсалысуда. №2 өндірістік телім басшысының орынбасары Рақымжан Меңдалиев, №3 өндірістік телім басшысының орынбасары Жаржан Ермаханов, №3 өндірістік телімнің 14-айналым жол бригадирі Биғали Бектұрсынов, бас механик Жорабек Сматуллаев, транспорт блогының көлік жүргізуші Рамазан Нұрбаев, №4 өндірістік телімнің жол бригадирі Мұхаммеди Ысқақов осы жұмыстардың басы-қасында бел шешпей еңбектенуде, – деді дистанция бастығы Мұрат Байділдаев.

Телім жолдарын жол өлшегіш вагонмен тексеру нәтижесінде 8 айға бекітілген көрсеткіш 50 балға жеткізіліп, жақсы нәтиже көрсетіп отыр.  

 

Инфрақұрылым
28.06.2025
Елімізде теміржол желісіне ауқымды жаңғырту жүргізуде
Жаңалықтар
27.06.2025
Варшавада ТХКБ дамыту жөніндегі жұмыс тобының отырысы өтті
ҚТЖ келбеті
27.06.2025
Вагон қозғалысын реттеушілер жайлы бір үзік сыр
Инфрақұрылым
27.06.2025
Маңғыстау теміржолы күрделі жөндеуге күш салуда
ҚТЖ келбеті
27.06.2025
Қырық жыл кешіккен шындық
Әлеумет
27.06.2025
Балалар жазы көңілді
Инфрақұрылым
27.06.2025
Теміржол жөндеу жұмыстары қарқынды жүріп жатыр
Жаңалықтар / Мұрағат
27.06.2025
Қазақстан теміржолшысы газеті, №49 27 маусым 2025 жыл
Әлемде
26.06.2025
Қытай темір жолдары биыл 1,86 млрд жолаушы тасымалдап, жаңа рекорд орнатты
Қауіпсіздік
26.06.2025
Семейде қозғалыс қауіпсіздігіне арналған кеңейтілген кеңес өтті
Спорт
26.06.2025
Ақтөбеде теміржолшылар тартысты ойын көрсетті
Жаңалықтар
26.06.2025
Астанада көлік, логистика көшбасшыларының басын біріктірген халықаралық көрме өтіп жатыр
Жолаушылар тасымалы
26.06.2025
Жыл соңына дейін ҚТЖ пойыздарының барлығы бейнекамерамен жабдықталады
Жаңалықтар
25.06.2025
Теміржол және су көлігі комитетінің төрағасы Атыраудағы вагон шығару зауытына барды
Жаңалықтар
25.06.2025
Нұрлан Жақыпов Alstom компаниясымен әрі қарайғы серіктестікті талқылады
Әлемде
25.06.2025
Қытай 650 км/сағ жылдамдықпен қозғалатын магнитопланды сынақтан өткізді
Аймақтар
25.06.2025
Алматы темір жол бөлімшесінде жүк тасымалы 16%-ға өсті
Жаңалықтар
24.06.2025
Тоқаев: Теміржол саласында Alstom, Wabtec және Stadler компанияларымен табысты серіктестік орнаттық
Жаңалықтар
24.06.2025
Қасым-Жомарт Тоқаев Wabtec президентімен кездесті
Жолаушылар тасымалы
24.06.2025
Биыл 240 мыңнан аса мүмкіндігі шектеулі жолаушы ҚТЖ пойыздарымен сапарға шыққан