Жаңа вакуумдық түтік пойызы 1000 км/сағатқа дейін жүре алады
Канадалық TransPod стартапы FluxJet көмегімен жолаушылар мен жүктерді тасымалдау үшін ультра жоғары жылдамдықты жерүсті көлік жүйесін құрып жатыр.
FluxJet - бұл ұшақ пен пойыздың гибридті түрі болып табылатын толық электрлі, жоғары жылдамдықты магниттік пойыз.
FluxJet тек TransPod желісінде жұмыс істейтін болады, негізінен ірі қалалар мен желілік жүйесі бар стансаларда.
Байланыссыз электр қуатын берудегі технологиялық жетістіктер мен veillance flux атты физиканың жаңа саласының арқасында, FluxJet – толықтай электрлі әрі жоғары жылдамдықты магниттік гибридті пойызды ұсынады. Ол сағатына 1000 км қашықтықты жүріп өтуге қауқарлы.
Пойыз 54 жолаушы сиятын 25 метрлі вагондардан тұрады әрі 10 тоннаға дейінгі жүкті тасымалдай алады.
Аталған жобаның құны 18 миллиард доллар, бірақ жақында компания China-East Resources компаниясымен бірлесіп американдық Broughton Capital Group-тан 550 миллион доллар қаржы алды.
Жылдам тасымалдау жобасын іске асыруда 140 000-ға дейін жұмыс орны ашылады және құрылыс барысында аймақтың жалпы ішкі өніміне $19,2 млрд әкеледі деп болжанып отыр.