Норвегия жоғары жылдамдықты электр пойыздар санын арттырмақ

Alstom Норвегиядағы жолаушылар паркіне жауапты Norske tog мемлекеттік компаниясына 25 Coradia Nordic аймақтық электр пойыздарын жеткізу бойынша тапсырыс алды. Келісімшарт құны 230 миллион еуроны құрайды,  деп хабарлайды Rail-news.kz.

Бұл Норвегияға құны 1,8 миллиард еуродан асатын 200 пойыз жеткізу жөніндегі келісім аясында жасалған екінші келісімшарт. Осылайша, Norske Tog фирмасының тапсырысы бойынша 55 Coradia Nordic пойызы шығарылады, олардың алғашқысы тестілеу үшін 2024 жылы тұтынушыға берілуі керек.

Жаңа пойыздар сағатына 200 шақырым жол жүруге есептелген және Үлкен Осло аймағында жүретін болады.