Түркия жоғары жылдамдықты электр пойыздарын жасамақ
TÜRASAŞ мемлекеттік компаниясы 225 км/сағ жылдамдықпен жүруге арналған пойыздың жобасын 2024 жылдың соңында аяқтап, келесі жылдың басында отандық компоненттерді пайдалана отырып құрастыруды және 2025 жылдың соңында динамикалық тестілеуді жоспарлап отыр, деп хабарлайды Rail-news.kz.
Бұл бастама жолаушы және жүк көлігінің ұлттық операторы TCDD Taşımacılık және TÜBİTAK Ұлттық ғылыми-технологиялық зерттеулер кеңесі құрған Темір жол көлігі технологиясы институтының (RUTE) қатысуымен жүзеге асырылуда.
Сегіз вагондық жүрдек пойыз TSI талаптарға сай болуы керек, яғни мүмкіндігі шектеулі жолаушыларға қолжетімді әрі дыбыстық деңгейі төмен болуы шарт. Пойызда 584 жолаушыға арналған орын болады, оның ішінде екі мүгедектер арбасында отыратын орындықтарда жиналмалы үстелдер мен мобильді құрылғыларды зарядтауға арналған тоқ көзі болады. Вагондардың бірінде шағын дәмхана аймағы болады.
Түркия жүрдек пойыздар алу бойынша өз қажеттіліктерін қанағаттандыруды жоспарлап отыр. 2024 жылдың наурыз айында TÜRASAŞ және ұлттық жолаушылар және жүк операторы TCDD Taşımacılık 95 жаңа буын E5000 электровоздарын жеткізуге келісім-шартқа отырған. Сол компания салған алғашқы отандық электр пойызы 2023 жылдың мамыр айында пайдалануға берілді.
Дильназ Айдарбекова