CRRC Нинбо қаласының маңындағы желілерге арналған жүрдек пойызды таныстырды

Нинбо қаласында (Қытай, Чжэцзян провинциясы) құрылысы жүріп жатқан №10 және №12 жүйрік қала маңындағы теміржол желілеріне арналған электропойыздар таныстырылды, деп хабарлайды Rail-news.kz. 

Бұл желілер метроның сегіз бағытын да қамтитын рельсті көлік желісінің құрамына кіреді. №10 желіні 2026 жылы, ал №12 желіні 2027 жылы ашу жоспарланған.

Ningbo Rail Transit операторының қатысуымен CRRC корпорациясы жасап шығарған бұл пойыздар сағатына 160 шақырым жылдамдықпен жүруге есептелген. Қазіргі таңда сағатына 80–100 шақырым жылдамдықпен қатынайтын қала маңындағы пойыздармен салыстырғанда, жаңа пойыздар электр энергиясын 15%-ға аз тұтынады. 

Конструкцияны оңтайландыру және заманауи материалдарды қолдану арқасында пойыздың салмағы 4,28 тоннаға (немесе 2,4%-ға) жеңілдеді, ал корпустың сүйір пішіні аэродинамикалық кедергіні 5%-ға азайтты. Тарту жетегінде тұрақты магниттер арқылы қоздырылатын синхронды қозғалтқыштар қолданылған.