Жыл басынан бері жол бойында 25 қайғылы жағдай болды

Жаңалықтар
25.05.2022, 10:53
Сұлугүл Бакесова

«Қазақстан темір жолшысы» газетінің тілшісі

«Самұрық-Қазына» АҚ алаңында өткен брифинг теміржол нысандарында азаматтардың өндірістік емес жарақаттануының алдын алу мәселелеріне арналды. Үстіміздегі жылдың төрт айында жылжымалы құрамның адам қағу жағдайларының 25 дерегі тіркелген. Салдарынан 13 адам қаза болып, 12 адам жарақат алған.

Тексеру-тергеу қорытындылары 2 жағдайды суицидке жатқызса, 5 оқиғада зардап шеккендердің ішімдік ішкенін, ал қалғандары адамдардың жолдан өту ережелерін өрескел бұзуы салдарынан болғанын анықтаған. Теміржолшылар оқыс оқиғалар саны көктем мен күзде артатынын, әсіресе, жастар мен балалардың қауіпсіздігі ерекше алаңдатып отырғанын атап өтті. Кейбіреулер асығыстық танытып, жол ережесін бұзу арқылы пойыздың астына түсіп қалып жатса, жастар жағы құлаққаппен музыка әуеніне елтіп, келе жатқан пойыздың шуын да, локомотивтің дабылын да естімей қайғылы жағдайға тап болады. Енді бірі теміржолда селфи жасауға әуестеніп, суретке түсудің қызығына түсіп кетеді. Вагонның үстіне шығып жоғары вольтты токқа түсіп мерт болған жасөспірім аз емес. Мәселен, 2021 жылы темір жолдың электрлендірілген учаскелерінде 14 адам токқа түссе, олардың 9-ы кәмелетке толмағандар, 6 жағдай өліммен аяқталған. Ал биылғы 4 айда компания бойынша 1 электр тогы соғу жарақаты тіркелген.

«ҚТЖ» ҰК» АҚ-да пойыздар қозғалысы қарқынды 18 учаске анықталып, олар адамдардың жарақаттану жағдайлары жиі тіркелетін нүктелер болып отыр. Бұл Шымкент, Алматы, Ақтөбе, Семей, Жамбыл, Қарағанды өңірлерінің станциялары мен аралықтары», – деген «ҚТЖ» ҰК» АҚ Қозғалыс қауіпсіздігі департаменті директорының орынбасары Ниязбек Жаңабаев, арнайы нұсқауға сәйкес бұл қауіпті учаскелерде машинистер пойыз жылдамдығын азайта отырып, барынша сақтықпен өтетінін де атап өтті. 

Алайда, пойыздың тежеу қашықтығы, тіпті баяу жылдамдықпен жүргеннің өзінде 800-1000 метрді құрайтындықтан, көп жағдайда қайғылы оқиғалардың алдын алу мүмкін еместігін де жасырмады.

  Халықты теміржолдан өту ережесімен таныстыру үздіксіз жүргізіліп келеді. Теміржолшылар биылдың өзінде 63 мыңнан аса азаматты қамтитын 2,3 мыңнан астам жиын өткізген. Оқу орындарында балалармен, жасөспірімдермен, студенттер- мен де түсіндіру жұмыстары, қауіпсіздік дәрістері жиі ұйымдастырылады. Құқық қорғау органдарымен бірлесіп 1 мыңнан астам рейд жүргізілсе, 12 ірі вокзалда темір жол арқылы өту ережелері бойынша профилактикалық бейнероликтер көрсетілуде. Жыл сайын «ҚТЖ» ҰК» АҚ-да ІІД, ҚР ИИДМ және басқа да мемлекеттік органдар өкілдерінің қатысуымен «дөңгелек үстелдер» өткізіліп тұрады. «Қазақстан темір жолы» ҰК» АҚ – «Магистральдық желі дирекциясы» филиалының қауіпсіздік жөніндегі атқарушы директоры Бақытбек Алдажаров компанияның «Әкімшілік құқық бұзушылық туралы» ҚР Кодексіне темір жолда белгілен- беген жерден өту мен темір жол СЕРВИС жолағында мал жаю және өзге де бұзушылықтар үшін айып- пұлды ұлғайтуға байланысты өзгерістер енгізуге бастамашы болғанын атап өтті. 

Теміржолшылар адамдар жиі жүретін жерлерде теміржолдың қауіптілігі туралы ескертетін баннерлер орнатып, оларды үнемі жаңартып отырады. Биыл 305 таңба жаңартылған. Сонымен қатар, ҚТЖ күшімен жаяу жүргіншілер үшін жер төсемі салынуда. Соңғы төрт жылда 64 станцияда жарықтандырумен, қауіпсіздік белгілерімен және теміржол арқылы қауіпсіз өту орнымен жабдықталған төсемдері бар жаяу жүргіншілер өткелдері орнатылған. Теміржолшылар станциялар аумағында арнайы қоршаулар салудан да кенде емес. Алайда ол қоршаулардың зақымдалуы мен ұрлануы, әсіресе Шымкент және Алматы өңірлерінде белең алып отыр. Әкімдіктермен бірлесіп жаяу жүргіншілер өткелдері мен жол өтпелерінің құрылысы жүргізілуде. Бірақ азаматтар көбінесе белгіленген өткелдерді пайдаланбай, өз өмірлері мен денсаулығын қауіпке тігіп, пойыз жолдарын өздеріне ыңғайлы тұстан кесіп өтуді әдетке айналдырған. 

«ҚТЖ-Жүк тасымалы» ЖШС атқарушы директоры Иван Костыря, мәселені шешудің бір жолы темір жолдағы қауіпсіздік ережелерін бұзғаны үшін азаматтарға жаза қолдануды қатаңдату және профилактикалық жұмыстарды әлі де күшейте түсу екенін айтады. Атап айтқанда, теміржолды ойын алаңына айналдырып, әлеуметтік желілер мен селфи үшін экстремалды түсірілімдер ұйымдастыратын балалардың ата-аналарын жауапқа тартып, талапты күшейту ұсынылды.

Әлеумет
24.06.2022
Қызылордада теміржолшылардың 75 баласы лагерге аттанды
Әлеумет
24.06.2022
Ақтөбеде теміржолшылардың балалары қауіпсіздік туралы сурет салудан бақ сынады
Аймақтар
24.06.2022
Сай-Өтесте полицейлер мен теміржолшылар қылмысқа бірлесе қарсы тұруға уағдаласты
Жаңалықтар
24.06.2022
Семейде рационализаторлық қызметке арналған тренинг өтті
Аймақтар
24.06.2022
Ақтөбелік электрик жасаған трасформаторларды қозғау құралы кеңінен қолданыста
Инфрақұрылым
24.06.2022
Белкөлде бағыттамалық бұрмалар қалпына келтіріліп жатыр
Аймақтар
24.06.2022
Атырауда мұнай экспортының бәсеңдеуі тасымал қарқынына әсер етті
Жаңалықтар
24.06.2022
«ҚТЖ 100 жаңа есім» жобасының қатысушылары астанада бас қосты
Жаңалықтар
24.06.2022
Литва делегациясы еліміздегі құрлық портының жұмысымен танысты
Жолаушылар тасымалы
24.06.2022
Дисконттық карталардың жолаушылар үшін тиімділігі зор
Мұрағат
24.06.2022
«Қазақстан теміржолшысы» газеті, №47 24 маусым 2022 жыл
Жаңалықтар
22.06.2022
Ақтауда пойыыздағы жолаушының жоғалған заты табылды
Спорт
22.06.2022
Nur-Sultan Half Marathon: астанада 24 теміржолшы марафонға қатысты
Жаңалықтар
21.06.2022
Ақтөбедегі өрт сөндірушілер қатерлі мезгілде қырағылықты күшейтті
Жаңалықтар
21.06.2022
Нұрлы жол вокзалында есірткіге қарсы акция ұйымдастырылды
Жаңалықтар
21.06.2022
Атырау машинистері отын үндемдеу тәсілдерін үйренуге кірісті
Инфрақұрылым
21.06.2022
Төретам менДиірментөбе станциялары арасындағы телімдерде реле ауыстырылып жатыр
Аймақтар
21.06.2022
Семейде теміржол тұйықтарын салу өзекті мәселе
Мұрағат
21.06.2022
«Қазақстан теміржолшысы» газеті, №46 21 маусым 2022 жыл
Жүк тасымалы
20.06.2022
Қазақстан мен Ресей арасында жүк пойыздары штаттық режимде жүріп жатыр