Сарышаған станциясына – 70 жыл (Фото)

Станция тынысы
10.08.2023, 12:36
Суретті түсірген автор
Ерман Әбдиев

Тараз қаласы бойынша меншікті тілші

Құрылысы 1947 жылы басталып, 1953 жылы пайдалануға берілген «Мойынты-Шу» телімінің бойындағы Сарышаған станциясы 70 жылдығын атап өтті. Станция әкімшілік аумағы бойынша Қарағанды облысы Ақтоғай ауданына қарайды. Жеті мыңға жуық тұрғыны бар Сарышағанда халықтың 75 пайызы – теміржолшылар.

Көлік қызметкерлері күніне орайластырып «Туған жерім – тұғырым» атауымен айтулы датаны атап өткен сарышағандықтар Балқаш көлінің жағасына бірнеше киіз үй тігіп, ат жарыс, бәйге, палуандар күресі, қол күресі және ақындар айтысы ұйымдастырылды. Жамбыл жүк тасымалы бөлімшесінің директоры Молдахмет Қожабеков пен Жамбыл магистральдық желі бөлімшесінің директоры Сұлтан Борамбаев сарышағандықтарға құттықтау жолдап, бөлімшенің кәсіподақ комитеті сыйлыққа үлкен теледидар табыс етті. Сарышаған жол дистанциясында 40 жылдан бері еңбек етіп келе жатқан жолшы Ербеусін Сүйіндіков пен Шу локомотив пайдалану депосы Сарышаған айналым депосының тепловоз машинисі Мұхтар Құтжан «Құрметті теміржолшы» белгісімен марапатталуы мерейтойдың салтанатын асыра түсті. Осы станцияда еңбек еткен Құрметті теміржолшылар Үсен Оңлабаев, Қайрат Терлікбаев, Бақытжан Шоқпаров, Бейсенбай Жаңбырбаев, Кентай Ахметов қонақ ретінде төрден орын алып, ізгі тілектерін білдірді.  

Тарих бетіне көз жүгіртсек, 1949 жылы Сарышаған станциясында жұмыс қызу жүріп,  вокзал, паровоз депосы, сумен жабдықтау пункті, т.б. нысандар салынып бастаған. 1950 жылы 21 желтоқсанда Мойынты және Шу станцияларының арасында желінің солтүстік, оңтүстік телімдері түйісіп, Қарағандыдан Алматыға көмір тиелген алғашқы пойыз өткізілді. Желіні салу кезінде 9 миллион куб метр жер қазу жұмыстары атқарылды, 2117 жасанды құрылыстар салынды, 500 км астам рельс төселді, шамамен 4 мың км байланыс желілері тартылды.  

Мойынты – Шу темір жолының бойында, Балқаш көлінің жағасындағы елсіз өңірде Сарышағаннан бөлек Шығанақ, Мыңарал, Қияқты, Хантау, тағы басқа станциялар мен бекеттер пайда болып, оларда теміржолшылар қоныстана бастады. Әрбір аралық станцияда вокзалдар және жолаушы платформалары, 347 тұрғын үй, мәдени-тұрмыстық және коммуналдық арналымдағы нысандар, қоғамдық тамақтану, сауда және денсаулық сақтау нысандары салынды, соның ішінде Сарышаған станциясындағы 150 орындық клуб, Сарышаған және Шығанақ станцияларында 720 балаға арналған мектептер, теміржолшылардың балаларына арналған балалар бақшасы мен интернат салынды. Содан кейінгі жылдары Сарышаған станциясында аурухана мен амбулатория, ал Шығанақ станциясында медпункт салынды. Барлық станцияларда наубайханалар, асханалар, дүкендер, перрондық дүңгіршектер тұрғызылды. Барлық жерлерге су құбырлары тартылды. Толықтай алғанда Мойынты – Шу теміржол желісі және ондағы станциялар мен бөлектелген пункттердің орналасуы сәтті жобаланғанын атап өту керек.

1953 жылдың 25 қазанында Шығанақ станциясында Мойынты – Шу желісінің  іске қосылуына арналған митинг өтіп, Қарағанды көмірі тиелген алғашқы пойыз жаңа теліммен сапарға шықты. Ал 27 қазаннан толыққанды пайдаланымға беріліп, жүк және жолаушы тасымалы үшін ашық болды.    

Жаңалықтар
31.08.2025
ҚТЖ мен Қытай компаниясы «Бақты – Аягөз» теміржолын талқылады
Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек