"ҚТЖ" ҰК" АҚ цифрлық мүмкіндіктері Digital Bridge форумында ұсынылды
"ҚТЖ" ҰК" АҚ елордада дәстүрлі түрде өтіп жатқан Digital Bridge форумына үшінші жыл қатысуда. "AI және логистика" форумының панельдік сессиясында ҚТЖ цифрландыру жобалары, пойыздар қозғалысын жоспарлауды автоматтандыру, кестелер жасау, магистральдық желі бойынша операцияларды оңтайландырудағы цифрлық шешімдер және т.б. жан-жақты талқыланды.
Іс-шара барысында "ҚТЖ" ҰК" АҚ-мен бірге Huawei Kazakhstan Бас директоры Чжао Сю; Global DTC Pte Бас директоры Витан Юнг; Abu Dhabi Ports Group цифрлық және зияткерлік шешімдер жөніндегі директоры Мұхаммед Аль Ага, Wabtec Корпорациялары цифрландыру жөніндегі вице-президенті Скотт Хорнинг сияқты әлемдік көліктік-логистикалық және цифрлық салалардың көшбасшылары өз жобалары туралы айтып берді.
Спикерлер деректер қауіпсіздігі, жасанды интеллект өндірісі мен көлік саласында қолдану мүмкіндіктері мен тәуекелдері және т.б. тақырыптарды талқылады.
Бірлескен жұмыс пен жобаларға ерекше назар аударылды. Мысалы, ҚТЖ қазір Wabtec компаниясының цифрлық жүйелерін белсенді енгізуде.
Мәселен, "ҚТЖ" ҰК" АҚ-да тасымалдау процесінің тиімділігін арттыру және компанияның жүк тасымалы саласындағы операциялық қызметін жетілдіру үшін цифрландыру процестер жүргізілуде. "ҚТЖ-Жүк тасымалы" ЖШС темір жол тасымалының тиімділігін арттыру мақсатында ТЭ33А сериялы жүк локомотивтерінің паркін "Рейсті оңтайландырушы" (Trip Optimizer) Wabtec цифрлық жүйесімен жабдықтайды.
Бұл контроллер мен динамикалық тежегішті автоматты түрде реттеу арқылы машинистке локомотивті басқаруға көмектесетін интеллектуалды жүйе. Жүйе маршрут пен жүк туралы деректерді талдай отырып, нақты уақыт режимінде оңтайлы жылдамдық режимі мен отын шығынын есептейді.
- Біз цифрлық технологиялардың көмегімен олардың операциялық тиімділігін арттыруды жалғастыра отырып, тұрақты даму және экологиялық таза технологиялар саласында ҚТЖ-мен ынтымақтасамыз, - деп атап өтті Wabtec корпорациясының цифрландыру жөніндегі Вице-президенті Скотт Хорнинг.