Достық – Мойынты теміржол учаскесінде екінші желінің құрылысы басталды

Инфрақұрылым
17.11.2022, 13:26

2022 жылғы 17 қарашада Қарағанды облысындағы Достық – Мойынты теміржол учаскесінде екінші жолдардың құрылысы басталды. Жоба «Күшті өңірлер – ел дамуының драйвері» Ұлттық жобасына енгізілген, деп хабарлайды Rail-news.kz.

Телекөпір режимінде құрылысты бастауға ҚР Премьер-Министрі Әлихан Смайылов пәрмен берді.

Балқаш-2 станциясында құрылыстың басталуына орай өткен салтанатты рәсімге Қарағанды облысы әкімдігі мен «ҚТЖ» ҰК» АҚ басшылығы, сала ардагерлері, Компания құрылымдық бөлімшелерінің басшылары, мердігерлік ұйымдар мен отандық кәсіпорындар өкілдері қатысты. Жобаны іске асыру Мемлекет басшысының отандық өнімнің үздіксіз экспортын қамтамасыз ету және елдің транзиттік әлеуетін ұлғайту жөніндегі алға қойған маңызды міндетін шешуге ықпал ететін болады.

2021 жылы «ҚТЖ» ҰК» АҚ рекордтық көрсеткіштерге қол жеткізді. Өткен жыл қорытындысы бойынша жүк айналымы 239,3 млрд. тонна-км құрады, бұл Қазақстан тәуелсіздігінің 30 жылындағы ең жоғарғы тарихи көрсеткіш болып табылады. Контейнерлік тасымал көлемі 1 млн. ЖФЭ-ден асты. Жалпы, соңғы бес жылда транзиттік контейнерлік тасымал көлемі 4,4 есе өсті.

Бүгінгі күні теміржол инфрақұрылымының өткізу қабілеті тез өсіп келе жатқан жүк тасымалы көлемін қамтамасыз етуде тежегіш факторы болуы мүмкін. «Тар орындарды» болдырмау үшін ірі инфрақұрылымдық жобаларды: Достық-Мойынты, Бақты–Аягөз, Дарбаза-Мақтаарал, Алматы қаласының айналасында айналма теміржол желілерін салу және т. б іске асыру туралы шешім қабылданды.

Ұзындығы 836 км болатын Достық-Мойынты учаскесі екінші желісінің құрылысы өткізу қабілетін 5 есеге арттыруға мүмкіндік береді (жүк пойыздарының 12 жұбынан тәулігіне 60 жұпқа дейін). Осы бағытта қазақстандық экспорттаушылардың жүктерін тасымалдау мәселесі де оң шешімін табатын болады.

Екінші жолдарды салу барысында 419 жасанды құрылыс (5 үлкен көпір, 87 шағын және орта көпір, 288 су өткізгіш құбыр, 14 автожол өткелі), сондай-ақ энергетика, БОБ құрылғылары және байланыс объектілері салынады.

Жобаны іске асыру шағын және орта бизнестің дамуына серпін береді. Құрылыста отандық өндіріс материалдарын (шпалдар, рельстер, трансформаторлар және т.б.) пайдалану жоспарлануда. Жергілікті қамту үлесі 80%-тен асады. Шамамен 3700 құрылысшы тартылады. Желіні пайдалануға бергеннен кейін теміржолда тұрақты жұмыс орындарымен 500 адам қамтамасыз етіледі.

Жобаны іске асырудың жиынтық әсері 20 жыл ішінде бюджетке түсетін түсімдерді қосымша 4,1 трлн теңге мөлшерінде ұлғайтуға мүмкіндік береді.

Құрылысты 2025 жылдың 4-тоқсанында аяқтау жоспарланған.

 

Жаңалықтар
28.09.2025
ҚТЖ басшылығы Астана-1 вокзалының жөндеу жұмысымен танысты
Жаңалықтар
27.09.2025
Құрметті теміржолшы «Құрмет» орденімен марапатталды
Жаңалықтар
27.09.2025
ТХКБ-ны бірлесе дамыту жайы талқыланды
Жаңалықтар
27.09.2025
ҚТЖ-да «HR – өндіріс серпіні» стратегиялық HR-сессиясы өтті
Жаңалықтар
27.09.2025
Темір жолдар мен тағдырлар: Алматыда «Жолдар» телехикаясының түсірілімі басталды
Жаңалықтар
26.09.2025
Еліміздің теміржол көлігі жаңа деңгейге көтерілуде: ҚТЖ және Wabtec ауқымды әріптестікті іске қосты
Цифрландыру
26.09.2025
Бейнебақылау камерасына баға берсек...
Инфрақұрылым
26.09.2025
Астанада өткен форумда ұлттық жобалар сөз болды
Аймақтар
26.09.2025
Арыс-2 вокзалы қайта салынуда
Цифрландыру
26.09.2025
Цифрландырудан – жасанды интеллектке дейін
Аймақтар
26.09.2025
Шиелі вокзалы тарихи келбетін сақтай отырып жаңғыртылуда
Жаңалықтар
26.09.2025
100-ден астам студен ҚТЖ-ның орталық музейінде болды
ҚТЖ келбеті
26.09.2025
Парк кезекшісінің ерлігі
Қауіпсіздік
26.09.2025
Алғашқы көмек – маңызды
ҚТЖ келбеті
26.09.2025
Ұтқыр шешімге негіз болған ұсыныс
Аймақтар
26.09.2025
Арнайы жасақтың ауқымы кең
Аймақтар
26.09.2025
Марапат иесін тапты
Жаңалықтар / Мұрағат
26.09.2025
Қазақстан теміржолшысы газеті, №78-79 26 қыркүйек 2025 жыл
Қауіпсіздік
25.09.2025
Қауіпсіздік – ревизордың көзімен
Аймақтар
25.09.2025
Абай әлеміне саяхат