Түркістанда өткен келелі кеңестер

Инфрақұрылым
29.03.2024, 08:33
Сұлугүл Бакесова

«Қазақстан теміржолшысы» газетінің тілшісі

Биыл «Қазақстан темір жолы» ҰК» АҚ мен оның еншілес ұйымдары Наурыз мейрамын көне шаһар Түркістанда атап өтті. Басқарма төрағасы жетекшілік еткен ҚТЖ басшылығы оңтүстікте бірнеше кездесу өткізді. Түркістан облысы әкімдігімен Дарбаза – Мақтаарал теміржол желісінің құрылысына қатысты мәселелерді талқылап, Өзара түсіністік және ынтымақтастық туралы меморандумға қол қойды.  

Еліміз үшін аса маңызды бұл инфрақұрылымдық жоба Мемлекет басшысының тапсырмасы бойынша жүзеге асырылуда және ол Қазақстанның көлік әлеуетін дамытуға бағытталып отыр. Басқосуға Түркістан облысының Келес, Шардара, Жетісай, Арыс, Сарыағаш, Мақтаарал аудандарының әкімдері қатысты.  Жобаны іске асыру іс-шаралары жоспар бойынша өтіп жатқаны, қазіргі кезде жобалаушымен топогеодезиялық, гидрологиялық және археологиялық жұмыстардың аяқталғаны белгілі болды. Құрылысқа жер телімдерін резервке алу және жер төсемін толтыру үшін карьерлерді әзірлеу бойынша жұмыстар жүргізілуде екен. Теміржол құрылысына отандық өндірушілердің материалдары пайдаланылмақ. Құрылыс кезінде 3400 жұмыс орны құрылып, ал пайдалануға берілген соң 500 астам тұрақты адам жұмыспен қамтылмақ.  

Тараптар жобаның іске асырылуы үшін барлық қажетті шараларды уақытылы орындаудың маңыздылығын атап өтті. Өз кезегінде, облыс әкімі Дархан Сатыбалды Түркістан өңіріндегі ҚТЖ-ның инфрақұрылымдық жобасын жүзеге асыруға толық қолдау-көмек көрсететінін жеткізді.    

Келесі басқосу оңтүстік аймақтың жол және магистральдық желі бөлімшелерінің, қозғалыс қауіпсіздігі ревизорларымен болды. Онда «ҚТЖ» ҰК» АҚ Басқарма төрағасының орынбасары Қанат Әлмағамбетов Компанияның биылғы жылдың екі айындағы жұмыс қорытындысымен таныстырды. Биылғы екі айда тарифтік жүк айналымы 39284 млн тн-км құрап, өткен жылдың есепті мерзімінен 6% шамасында кем шыққан. Бұл жерде республикаішілік, экспорттық өндірістік көрсеткіштер төмендеп, тек импортта ғана өсімнің болғаны байқалып отыр. Жолаушылар айналымы да былтырғыға қарағанда 2,2% кеміген. Былтыр теміржол еңбеккерлерінің әлеуметтік-тұрмыстық жағдайын жақсартуға 20 млрд теңге көлемінде қаржы бөлінсе, биыл да бұл бағыттағы жұмыстар жалғасын таппақ. Қауіпсіздік мәселесіне байланысты, тасымалдау үдерісіне барлық қатысушылармен, яғни ҚТЖ-дан басқа жекеменшік компаниялар мен кәсіпорындардың қатысуымен өткен екі айда 155 бұзушылық оқиғасы тіркелген. Бұл көрсеткіш былтырғы жыл деңгейінен 50% жоғары болып отыр. Осы арада Қанат Әлмағамбетов вагондар мен локомотивтерге жөндеу жүргізетін және сервистік қызмет көрсететін компаниялардың жұмыс сапасы сын көтермейтінін, яғни жылжымалы құрамдар жөндеу аралық кепілдеме мерзіміне жетпей бұзылып, қозғалыс қауіпсіздігін сақтауға нұқсан келтіріп жататынын атап өтті. Осыған орай ол «ҚТЖ-Жүк тасымалы» ЖШС мен «Қазтеміртранс» АҚ басшыларына жылжымалы құрамдарға қызмет көрсететін мердігер компанияларға жөндеу және қызмет көрсету сапасын жақсартуға қатысты талапты күшейтуді тапсырды.  

Жиында 2024 жылға бағытталған жұмыстар легі де айтылды. Олардың қатарында еңбек қорғау, қозғалыс қауіпсіздігі жағдайын жақсарту, бекітілген бағдарламалар мен мақсаттарды жүзеге асыру, жоспарланған қаржыны игеру, магистральдық теміржол желісін жөндеу, жаңа технологияларды қолдана отырып, жөндеу жұмыстарының тиімділігін арттыру, жаңа теміржол желілері, Достық – Мойынты телімінің бүкіл бойына рельс-шпал торкөздерін салып, жұмыс қозғалысын ашу міндеттері бар. Сонымен қатар Huaweі, Wabtec, PSA компанияларымен бірлесе отырып, «Ақылды темір жол» жобасын жүзеге асыру, деректерді беру желілерін жаңғырту, жылжымалы құрамдардың жағдайын бақылайтын датчиктер мен стационарлық кешендерді енгізу, бұдан бөлек 125 локомотив, 1500 ашық вагон, 193 фитингілік платформа, 219 жолаушылар вагонын сатып алу және де жолаушыларға көрсетілетін қызмет сапасын арттыру, хабтік жүйені енгізу осы жылдың еншісіндегі шаруалар екен. Компанияның екі айлық жұмысы қорытындыланып, алдағы міндеттері айқындалғаннан кейін сөз кезегі оңтүстік өңірдің жүк тасымалы және магистральдық желі бөлімшелеріне, қауіпсіздік ревизорына берілді. Олар өңірдегі күрделі мәселелерді ортаға салып, Компания топ-менеджерлері деңгейінде қарап, шешім шығаруды ұсынды.  

Компания басшылығының келесі кездесуі «ҚТЖ» ҰК» АҚ Консультативтік кеңесі мүшелерімен өтті. Онда өндірістік мәселелерге қатысты ардагерлердің ұсынымдары талқыланып, Компания қызметін жақсартуға бағытталған іс-шаралар тізбесі түзілді.  

 

ҚТЖ келбеті
29.09.2025
ҚТЖ қызметкерлері байқауда топ жарды
Жаңалықтар
29.09.2025
Достық жол дистанциясында жаңғырту жұмыстары жүргізілді
Әлеумет
29.09.2025
Дүниежүзілік жүрек күні: ҚТЖ-да профилактикалық акция өтті
Жүк тасымалы / Апта саны
29.09.2025
Қыркүйекте теміржол көлігімен 1 млн тоннадан астам астық тасымалданды
Әлеумет
29.09.2025
Медициналық пойыз Абай елін аралап жүр
Жаңалықтар
29.09.2025
Қазақстан мен Қытай 2026 жылға арналған тасымалдау перспективаларын талқылады
Жүк тасымалы
29.09.2025
Қаржы министрлігі 2027 жылға қарай ТХКБ бойынша жүк тасымалы 7,2 млн тоннаға жетеді деп болжауда
Жаңалықтар
29.09.2025
ҚТЖ Достық станциясын дамытуға инвестиция салуда
Спорт
29.09.2025
KTZH Marathon 2025: Қозғалыс қуаты – Бірлік күші!
Жаңалықтар
28.09.2025
ҚТЖ басшылығы Астана-1 вокзалының жөндеу жұмысымен танысты
Жаңалықтар
27.09.2025
Құрметті теміржолшы «Құрмет» орденімен марапатталды
Жаңалықтар
27.09.2025
ТХКБ-ны бірлесе дамыту жайы талқыланды
Жаңалықтар
27.09.2025
ҚТЖ-да «HR – өндіріс серпіні» стратегиялық HR-сессиясы өтті
Жаңалықтар
27.09.2025
Темір жолдар мен тағдырлар: Алматыда «Жолдар» телехикаясының түсірілімі басталды
Жаңалықтар
26.09.2025
Еліміздің теміржол көлігі жаңа деңгейге көтерілуде: ҚТЖ және Wabtec ауқымды әріптестікті іске қосты
Цифрландыру
26.09.2025
Бейнебақылау камерасына баға берсек...
Инфрақұрылым
26.09.2025
Астанада өткен форумда ұлттық жобалар сөз болды
Аймақтар
26.09.2025
Арыс-2 вокзалы қайта салынуда
Цифрландыру
26.09.2025
Цифрландырудан – жасанды интеллектке дейін
Аймақтар
26.09.2025
Шиелі вокзалы тарихи келбетін сақтай отырып жаңғыртылуда