Маңғыстауда биыл 125 шақырым темір жол жөнделеді
2025 жылы маңғыстаулық теміржолшылар жөндеудің барлық түрімен шамамен 125 км жолды қамтуды жоспарлап отыр, деп хабарлайды Rail-news.kz.
Сай-Өтес – 7-ші рзд. аралығындағы 15,7 км теміржол төсемі күрделі жөндеуден өтеді. Сондай-ақ ұзындығы 23,3 км станциялық жолдарды күшейтілген-орташа жөндеу, бағыттамалық бұрмаларды ауыстыру жоспарлануда.
ПРСМ жол рельсті дәнекерлеу машиналарының көмегімен түйіспесіз жолдағы ақаулы жерлер жойылады. РМ және DUOMAT машиналарын қолдана отырып, ластанған балласты тазартып, Бейнеу – Тассай, Бейнеу – Сай- Өтес аралықтарында түзету, ұрып-соғу және тегістеу жүргізіледі.
Сонымен қатар, жазғы жол жұмыстары аясында маңғыстаулық теміржолшылар 450 шақырым жолды жөндеп, темір жол бойында 107 шақырым мал қоршауын салады.