«ҚТЖ» ҰК» АҚ-да локомотивтерді жазға дайындауда

Жаңалықтар
19.04.2022, 12:02
Любовь Подоляк

«Қазақстан темір жолы» ҰК» АҚ барлық пайдалану деполарында локомотивтердің көктемгі комиссиялық тексерісі өтуде. Бұл локомотив паркін жазғы жұмысқа ауыстыру үшін қажет. Тексеру 10 сәуірде басталып, мамырдың 31-де аяқталады, деп хабарлайды Rail-news.kz.

Ел бойынша барлығы 1000 астам локомотив техникалық қызмет көрсетуден өтеді. Оның ішінде елордалық депода 102 бірлік тарту құрамы бар.

ТЭ33А, ВЛ80, 2ТЭ10, ТЭМ-2 сериялы тепловоздарды маусымдық дайындау «Қамқор-Локомотив» ЖШС жөндеу кәсіпорындары, ал KZ8А сериялы локомотивтерді – «Электровоз құрастыру зауыты» ЖШС кәсіпорындары базасында жүргізіледі.

Тексеру үшін локомотивтер бақылау канавасында 16-дан 24 сағатқа дейін тұрады. Жұмысты білікті мамандар жүргізеді. Бұл көп еңбекті қажет етеді.

Локомотивтерде барлық тораптар мен агрегаттарға, тепловоздардың тартқыш электр қозғалтқыштарының жүріс бөлігіне толық тексеру жүргізіледі. Желдету және климаттық қондырғылар жазғы жұмыс режиміне ауыстырылып, сүзгілер өзгертіледі. Тежегіш жабдықтарды, автотіркегіш құрылғыларды, жылдамдық өлшегіштерді және басқаларды сынау жүргізіледі.

Жөндеу депосында локомотив жұмысының сенімділігін іс жүзінде көрсететін доңғалақ жұптарының жағдайына ерекше бақылауға алынады. Слесарьлар доңғалақ айналып тұрғанда ғана темір жол пайда әкеледі деп бекер айтпаса керек. Кәсіпорында доңғалақ жұбын қайрау және жөндеу, подшипниктерді ауыстыру зергерлік дәлдікпен жүргізіледі.

Тексеру барысында локомотивтердің техникалық және өртке қарсы жай-күйі, қажетті керек-жарағының болуы да бағаланады. Локомотивтерді тиісті жай-күйге және санитарлық-гигиеналық жағдайға келтіру бойынша жұмыстар жүргізілуде. Бұның бәрі тасымалдаудың сенімділігі мен қауіпсіздігін қамтамасыз ету үшін жасалады.

Тексеру нәтижелерін пайдалану депосының қызметкерлері мен локомотивтерді қабылдау жөніндегі инспекторлар бақылайды.

 «Тепловоздар ыстықта да, суықта да пайдаланылады, сондықтан да олардың жұмыс атқару сенімділігі сапалы техникалық қызмет көрсету мен жөндеуге байланысты. Жоспарланған маусымдық тексеру барлық жұмыстарды қамтиды. Барлық іс - шаралар нұсқауларға сәйкес жүргізіледі», - дейді елордалық локомотив пайдалану депосының локомотивтерді жөндеуді бақылау бөлімінің бастығы Жоламан Ахмедиев.

  Сапалы тексеру машина жұмысының тоқтап қалуы мен ақаулардың санын азайтуға кепілдік береді. Жөндеушілер қазақстандық зауыттардың конвейерінен шыққан қазіргі заманғы тепловоздардың қуатты техника екенін мойындайды. Ең бастысы – жөндеу технологиясын қатаң сақтау, содан кейін ғана локомотивтер жолда қалдырмайды.

Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды
Жаңалықтар
26.08.2025
ҚТЖ және CRRC басшылығы кездесті
Инфрақұрылым
26.08.2025
Сексеуіл кентіндегі теміржол вокзалында күрделі жөндеу жүріп жатыр
Цифрландыру
26.08.2025
ҚТЖ мен Huawei стратегиялық әріптестікті нығайтады
Әлеумет
26.08.2025
«Жастарға жұмыс» жәрмеңкесі өтті
Жүк тасымалы
26.08.2025
Меже – транзиттік хабқа айналу
Аймақтар
26.08.2025
Теміржол торабы Шымкенттің даму қарқынын арттыруда
Қауіпсіздік
26.08.2025
Жіңішке станциясында кезекті рейд өтті
Әлеумет
26.08.2025
Берсең – балаға бер
Жаңалықтар / Мұрағат
26.08.2025
Қазақстан теміржолшысы газеті, №69 26 тамыз 2025 жыл
ҚТЖ келбеті
25.08.2025
Теміржолшы Мақсат Абатов «Самұрық-Қазына» спартакиадасынан алтын және күміс жүлдемен оралды
Әлемде
25.08.2025
Сауд Арабиясына арналған пойыздарға Rolls-Royce қозғалтқыштары салынбақ
Аймақтар
25.08.2025
Маңғыстау теміржол өткелдерінде биыл бірде-бір жол апаты тіркелмеді
Әлеумет
25.08.2025
Мектепке жол: оқу құралдары сыйға тартылды
Аймақтар
25.08.2025
Ең арзан пойыз – оңтүстікте
Инфрақұрылым
25.08.2025
Қызылорда жол дистанциясында теміржол күтімі қарқынды жүріп жатыр