Пойыз жүрмей қалғанда билеттер қайтарылады
«Жолаушылар тасымалы» АҚ пайдаланылмаған жол жүру құжаттарын (билеттерді) қайтару және пойыздың кешіккені үшін өтемақы төлеу Қазақстан Республикасының темір жол көлігімен жолаушыларды, багажды, жүк багажын және пошта жөнелтілімдерін тасымалдау қағидаларына сәйкес жүзеге асырылатынын хабарлады.
Пойыз кешіккен жағдайда:
➖ 1 сағаттан астам кешігумен келе жатқан пойызбен жүруден бас тартқан жолаушыларға жол жүру ақысы толық қайтарылады (жолаушылар пойызы билетте көрсетілген станциядан жөнелтілгенге дейін).
➖ Пойыз қозғалысын тоқтатқан кезде жолаушыларға жүрмеген қашықтық үшін жолақы төленеді
➖ Ұлттық тасымалдаушының жолаушылар пойыздарының кешігуі үшін жолаушыларға кешіктірілген әрбір толық сағат үшін 3% мөлшерінде, бірақ жол жүру ақысынан аспайтын өтемақы төленеді. Өтемақыны «Жолаушылар тасымалы» АҚ билет кассаларынан алуға болады.
Жеке тасымалдаушының жолаушылар пойызымен сапарға шыққан жолаушылар өтемақы алу үшін жеке тасымалдаушының әкімшілігіне жүгінуі қажет.
Жолаушылар пойызын ауыстыру кезінде:
➖ Ауыстырылған жолаушылар пойызында/төменгі санаттағы вагондардағы жолаушыларға жол жүру құнының айырмашылығы төленеді, жоғары санаттағы жолаушылардан қосымша төлем алынбайды.
➖Ауыстырылған пойызда/вагонда жүруден бас тартқан жолаушыларға жол ақысы толық қайтарылады.