2024 жылы теміржол қандай маңызды күндерді атап өтеді

2024 жыл Қазақстан темір жолының 120 жылдығы аясында өтуде. Оның аясында атаулы күндер мен оқиғалар атап өтіледі. Оның ішінде Ақтөбе локомотив пайдалану депосының 120 жылдығы, Әулие Ата (Тараз) - Пішпек (Бішкек) учаскесінің іске қосылғанына 100 жыл да бар. Ғасырлық мерейтойды Жамбыл локомотив пайдалану депосы, Жаңаарқа станциясы 90 жылдығын, Қарағанды темір жол бөлімшесі мен Балқаш вагон пайдалану депосы 85 жылдығын, Павлодар жол бөлімшесі мен Ерейментау станциясы 70 жылдығын, Маңғыстау жол бөлімшесі 60 жылдығын атап өтеді.

Биыл Қостанай бөлімшесінің локомотив шаруашылығына 65 жыл толады, санақ Тобыл – Қостанай, Тобыл – Жетіғара учаскелерінде пойыздар қозғалысының ашылу күнінен басталады. 55 жыл бұрын Есіл – Құсмұрын – Тобыл – Железорудная  учаскелерін электрлендіру аяқталды. 20 жыл бұрын Екібастұз-1 – Павлодар электрлендірілген учаскесінің ашылуы, ал 10 жыл бұрын Жезқазған – Бейнеу және Арқалық-Шұбаркөл учаскелерінде пойыздар қозғалысы басталды.

Сондай-ақ, биыл Қостанай қаласының вокзал маңындағы алаңында орнатылған аты аңызға айналған паровоз-ескерткішке 70 жыл толады. Ол өңірге   тың игерушілермен бірге алғашқы эшелонды да жеткізді.